മാറിയ ജനജീവിതങ്ങളെക്കുറിച്ച് തുറന്ന സംവാദം, 10 മുതല്‍ 14 വരെ എറണാകുളത്ത് ജനസഭ,

ജില്ലയുടെ മുഖച്ഛായ മാറ്റിയ പദ്ധതികളെക്കുറിച്ചും വികസന നാള്‍വഴികളെക്കുറിച്ചും തുറന്ന സംവാദത്തിന് വേദിയൊരുക്കി ഫെബ്രുവരി 10 മുതല്‍ ജനസഭ. പൊതുജനങ്ങള്‍, ജനപ്രതിനിധികള്‍, സാമൂഹ്യ, സാംസ്‌കാരിക, ചലച്ചിത്ര മേഖലകളിലെ നേതാക്കള്‍, പ്രവര്‍ത്തകര്‍ തുടങ്ങിയവര്‍ പങ്കെടുക്കുന്ന ജനസഭ 14 വരെ ജി്ല്ലയിലെ 10 കേന്ദ്രങ്ങളില്‍ സംഘടിപ്പിക്കുന്നത് ജില്ല ഇന്‍ഫര്‍മേഷന്‍ ഓഫീസാണ്. ജനങ്ങളുടെ ജീവിതത്തില്‍ പോസീറ്റീവായ മാറ്റങ്ങള്‍ കൊണ്ടുവന്ന പദ്ധതികള്‍ ഉള്‍പ്പെടുത്തിയുള്ള  ഷോര്‍ട്ട് ഫിലിം ഫെസ്റ്റിവല്‍, പ്രഭാഷണങ്ങള്‍, വികസനോന്മുഖ ക്വിസ് മത്സരങ്ങള്‍ തുടങ്ങിയവ ജനസഭയുടെ മാറ്റുകൂട്ടുന്നു.   ഫെബ്രുവരി 10 ന് രാവിലെ 10മണിക്ക് പള്ളുരുത്തിയിലും വൈകീട്ട് 4ന് കൊച്ചിയിലും ജനസഭ നടക്കും. ഫെബ്രുവരി 11ന് രാവിലെ 10ന് ഏലൂരിലും വൈകീട്ട് നാലിന് കുറുമശ്ശേരിയിലും ഫെബ്രുവരി 12 ന് രാവിലെ 10ന് കീഴ്മാടും വൈകീട്ട് നാലിന് രായമംഗലത്തും 13 ന് രാവിലെ 10ന് മുവാറ്റുപുഴയിലും വൈകീട്ട് 4ന് വലമ്പൂരിലും 14 ന് രാവിലെ 10ന് തൃപ്പൂണിത്തുറയിലും വൈകീട്ട് 4ന് ഞാറക്കലിലും ജനസഭ അരങ്ങേറും. കോവിഡ് മാനദണ്ഡങ്ങള്‍ പാലിച്ചാണ് പരിപാടി.