ജൂണ്‍ മാസത്തെ റേഷന്‍ വിഹിതം

    ജില്ലയിലെ റേഷന്‍ കാര്‍ഡുടമകളില്‍ എഎവൈ വിഭാഗത്തില്‍പ്പെട്ട മഞ്ഞകാര്‍ഡ് ഉടമകള്‍ക്ക് ഈ മാസം 30 കിലോ അരിയും അഞ്ച് കിലോ ഗോതമ്പും ഉള്‍പ്പെടെ 35കിലോഗ്രാം ഭക്ഷ്യധാന്യം സൗജന്യമായി ലഭിക്കും. മുന്‍ഗണനാ വിഭാഗത്തില്‍പ്പെട്ട പിങ്ക് കാര്‍ഡ് ഉടമകള്‍ക്ക് ആളൊന്നിന് നാല് കിലോഗ്രാം അരിയും ഒരു കിലോഗ്രാം ഗോതമ്പും വീതം ഒരു രൂപ നിരക്കില്‍ ലഭിക്കും. സബ്സിഡി വിഭാഗത്തില്‍പ്പെട്ട നീലകാര്‍ഡിലെ ഓരോ അംഗത്തിനും രണ്ട് കിലോഗ്രാം അരി മൂന്ന് രൂപ നിരക്കിലും ലഭ്യതയനുസരിച്ച് 16 രൂപ നിരക്കില്‍ ആട്ടയും ലഭിക്കും. നോണ്‍സബ്സിഡി വിഭാഗത്തില്‍പ്പെട്ട വെള്ളകാര്‍ഡ് ഉടമകള്‍ക്ക് അരി ലഭ്യതയനുസരിച്ച് 9.90 രൂപയ്ക്കും ഗോതമ്പ് ലഭ്യതയനുസരിച്ച് 7.70 രൂപയ്ക്കും ആട്ട ലഭ്യതയനുസരിച്ച് 16 രൂപ നിരക്കില്‍ മൂന്ന് കിലോഗ്രാം വരെയും ലഭിക്കും. വൈദ്യുതീകരിച്ച വീടിന് അര ലിറ്ററും വൈദ്യുതീകരിക്കാത്ത വീടിന് നാല് ലിറ്റിറും വീതം മണ്ണെണ്ണ 24 രൂപ നിരക്കില്‍ ലഭിക്കും. റേഷന്‍ വിതരണം സംബന്ധിച്ച പരാതികള്‍ 1800-425-1550 എന്ന ടോള്‍ ഫ്രീ നമ്പരിലോ അതത് താലൂക്ക് സപ്ലൈ ഓഫീസുകളിലോ അറിയിക്കണം. ഫോണ്‍: കോഴഞ്ചേരി- 0468 2222212, തിരുവല്ല- 0469 2701327, റാന്നി- 04735 227504, കോന്നി- 0468 2246060, അടൂര്‍- 04734 224856, മല്ലപ്പള്ളി- 0469 2752374, ജില്ലാ സപ്ലൈ ഓഫീസ്- 0468 2222612.                        (പിഎന്‍പി 1535/18)