ശക്തമായ കാറ്റും മോശം കാലാവസ്ഥയും മത്സ്യത്തൊഴിലാളികള് ജാഗ്രത പാലിക്കണം
***കേരള-കര്ണാടക-ലക്ഷദ്വീപ് തീരങ്ങളില് മത്സ്യബന്ധനത്തിന് തടസ്സമില്ല
ഇന്ന് (ഡിസംബര് 4) വടക്ക് പടിഞ്ഞാറന്, അതിനോട് ചേര്ന്ന മധ്യ പടിഞ്ഞാറന് ബംഗാള് ഉള്ക്കടലിലും മണിക്കൂറില് 60 മുതല് 70 കിലോമീറ്റര് വരെയും ചിലയവസരങ്ങളില് 80 കിലോമീറ്റര് വരെ വേഗതയിലും വടക്ക് ആന്ധ്രാപ്രദേശ് -ഒഡിഷ തീരങ്ങളില് മണിക്കൂറില് 55 മുതല് 65 കിലോമീറ്റര് വരെയും ചില അവസരങ്ങളില് 75 കിലോമീറ്റര് വരെ വേഗതയിലും വീശിയടിച്ചേക്കാവുന്ന ശക്തമായ കാറ്റിനും മോശം കാലാവസ്ഥക്കും സാധ്യതയെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്.
നാളെ (ഡിസംബര് 5) വടക്ക് പടിഞ്ഞാറന് ബംഗാള് ഉള്ക്കടലിലും അതിനോട് ചേര്ന്ന പ്രദേശങ്ങളിലും വടക്ക് ആന്ധ്രാപ്രദേശ് -ഒഡിഷ തീരങ്ങളിലും മണിക്കൂറില് 50 മുതല് 60 കിലോമീറ്റര് വരെയും ചില അവസരങ്ങളില് 70 കിലോമീറ്റര് വരെ വേഗതയിലും വീശിയടിച്ചേക്കാവുന്ന ശക്തമായ കാറ്റിനും മോശം കാലാവസ്ഥക്കും സാധ്യതയുള്ളതായും കേന്ദ്ര കാലാവസ്ഥാ വകുപ്പ് അറിയിച്ചു.
കേരള-കര്ണാടക-ലക്ഷദ്വീപ് തീരങ്ങളില് മത്സ്യബന്ധനത്തിന് തടസമില്ല. അതേസമയം മുന്നറിയിപ്പുള്ള പ്രദേശങ്ങളില് ഇന്നും നാളെയും മത്സ്യബന്ധനത്തിന് പോകരുതെന്ന് ജില്ലാ കളക്ടര് അറിയിച്ചു.
- Log in to post comments