എറണാകുളം മെഡിക്കൽ കോളജിൽ എം.ആർ.ഐ സ്കാനിംഗ്  ഒരു ഷിഫ്റ്റ് കൂടി  വൈകിട്ട് 6 വരെ സ്കാൻ ചെയ്യാം

         എറണാകുളം സർക്കാർ മെഡിക്കൽ കോളേജ് ആശുപത്രിയിലെ എം.ആർ.ഐ സ്കാനിംഗ് സേവനം ഒരു ഷിഫ്റ്റ് കൂടി വർധിപ്പിച്ച് ബുധനാഴ്ച (ഫെബ്രുവരി 16 ) മുതൽ വൈകിട്ട് 6  വരെ ദീർഘിപ്പിച്ചതായി മെഡിക്കൽ സൂപ്രണ്ട് അറിയിച്ചു.  ഈ ആശുപത്രിയിൽ  ചികിത്സതേടുന്ന രോഗികൾക്കായിരിക്കും മുൻഗണ.  പുറമെ നിന്ന് റഫർ ചെയ്ത് വരുന്ന രോഗികൾക്ക് ബുക്കിംഗ് അനുസരിച്ച് എം.ആർ.ഐ സ്കാനിംഗ് സേവനം നൽകുമെന്നും മെഡിക്കൽ സൂപ്രണ്ട് അറിയിച്ചു.