വിമുക്തഭടന്മാരുടെ ആശ്രിതരായ മക്കള്‍ക്ക്  നേഴ്‌സിംഗ് കോഴ്‌സ് പ്രവേശനം 

ആരോഗ്യ വകുപ്പിന്റെ കീഴിലുള്ള ജൂനിയര്‍ പബ്ലിക് ഹെല്‍ത്ത് നേഴ്‌സിംഗ് സ്‌കൂളുകളില്‍ 2018-ല്‍ ആരംഭിക്കുന്ന ഒക്‌സിലിയറി നേഴ്‌സിംഗ് ആന്‍ഡ് മിഡ്-വൈഫ്സ്‌കോഴ്‌സിന്റെ പരിശീലനത്തിന് പ്ലസ് ടു അല്ലെങ്കില്‍ തത്തുല്യമായ പരീക്ഷ പാസായ വിമുക്തഭടന്മാരുടെ ആശ്രിതരായ പെണ്‍മക്കള്‍ക്കും പ്രതിരോധ സേനയില്‍ സേവനത്തിലിരിക്കെ മരിച്ചവരുടെ ആശ്രിതരായ സ്ത്രീകള്‍ക്കും ഓരോ സ്‌കൂളിനും ഓരോന്ന് വീതം സംവരണം ചെയ്ത സീറ്റുകളിലേക്ക് അപേക്ഷ ക്ഷണിച്ചു. അപേക്ഷാ ഫോറവും പ്രോസ്‌പെക്ടസും ആരോഗ്യവകുപ്പ് ഡയരക്ടരുടെ വെബ് സൈറ്റായ www.dhs.kerala.gov.in  ലഭിക്കും. 
    ഒറിജിനല്‍ അപേക്ഷയും പ്രോസ്‌പെക്ടസില്‍ ആവശ്യപ്പെട്ടിട്ടുള്ള സര്‍ട്ടിഫിക്കറ്റുകളും ബന്ധപ്പെട്ട  നേഴ്‌സിംഗ് സെന്റര്‍പ്രിന്‍സിപ്പാളിന് നേരിട്ട് അയക്കണം. ഇവയുടെ പകര്‍പ്പ്, വിമുക്തഭട തിരിച്ചറിയല്‍ കാര്‍ഡ്, ജില്ലാ സൈനിക ക്ഷേമ ഓഫീസരില്‍ നിന്നും നേടിയ ആശ്രിത സര്‍ട്ടിഫിക്കറ്റ്  എന്നിവയുടെ സാക്ഷ്യപ്പെടുത്തിയ പകര്‍പ്പും സൈനിക ക്ഷേമ ഡയറക്ടര്‍, സൈനിക ക്ഷേമ ഡയറക്ടറേറ്റ് വികാസ് ഭവന്‍, തിരുവനന്തപുരം-695033 എന്ന വിലാസത്തില്‍ ഈ മാസം 16 നകം ലഭിക്കും വിധം അയക്കണം. ജെ പി എച്ച് എന്‍ ട്രെയിനിംഗ് സെന്റര്‍, തിരുവനന്തപുരം (പട്ടികജാതി, പട്ടികവര്‍ഗ്ഗ ക്കാര്‍ക്ക് മാത്രം), ജെ പി ഏച് എന്‍  ട്രയിനിംഗ് സെന്റര്‍  കോട്ടയം, ജെ പി എച്ച് എന്‍  ട്രയിനിംഗ് സെന്റര്‍ പാലക്കാട് , ജെ പി എച്ച് എന്‍  ട്രയിനിംഗ് സെന്റര്‍ കാസര്‍കോട് എന്നിവയാണ് പരിശീലനം ലഭിക്കുന്ന കേന്ദ്രങ്ങള്‍..