മിനിമം വേതന ഉപദേശക സമിതി  സബ്കമ്മിറ്റി യോഗം ജൂലൈ 11ന്

    സംസ്ഥാനത്തെ ഡ്രൈയിംഗ് ഓഫ് കോക്കനട്ട് ഫോര്‍ മെയ്ക്കിംഗ് കൊപ്ര, പെട്രോള്‍ പമ്പ് വ്യവസായ മേഖലകളില്‍ ജോലിചെയ്യുന്ന തൊഴിലാളികള്‍ എന്നിവരുടെ കുറഞ്ഞ വേതനം പുതുക്കി നിശ്ചയിക്കുന്നതിനുള്ള മിനിമം വേതന ഉപദേശക സമിതി സബ്കമ്മിറ്റി  ഇന്ന് (ജൂലൈ 11) കോഴിക്കോട് ബാങ്ക് റോഡിലുള്ള വ്യാപാര ഭവനില്‍ തെളിവെടുപ്പു നടത്തും. ഉച്ചക്ക് രണ്ടു മണിക്ക് ഡ്രൈയിംഗ് ഓഫ് കോക്കനട്ട് ഫോര്‍ മെയ്ക്കിംഗ് കൊപ്ര മേഖലയിലേതും, മൂന്നുമണിക്ക് പെട്രോള്‍ പമ്പ് മേഖലയിലേതുമാണ് തെളിവെടുക്കുക.   കോഴിക്കോട,് കണ്ണൂര്‍, കാസര്‍ഗോഡ്, വയനാട് ജില്ലകളിലെ ബന്ധപ്പെട്ട മേഖലയിലുള്ള തൊഴിലാളി-തൊഴിലുടമ പ്രതിനിധികള്‍ യോഗത്തില്‍ പങ്കെടുക്കണമെന്ന് സമിതി സെക്രട്ടറി അറിയിച്ചു.