ശക്തമായ കാറ്റും മോശം കാലാവസ്ഥയും; മത്സ്യത്തൊഴിലാളികള് ജാഗ്രത പാലിക്കണം
**കേരള തീരത്ത് നിന്ന് ഇന്നും(ജൂണ് 01) നാളെയും മത്സ്യബന്ധനത്തിന് പോകരുത്
ഇന്നും(ജൂണ് 01) നാളെയും കേരള-ലക്ഷദ്വീപ് തീരങ്ങളിലും ഗള്ഫ് ഓഫ് മാന്നാര്, അതിനോട് ചേര്ന്നുള്ള തെക്കന് തമിഴ്നാട് തീരം, തെക്ക്-പടിഞ്ഞാറന് ബംഗാള് ഉള്ക്കടല്, തെക്ക്-കിഴക്കന് അറബിക്കടല്, കന്യാകുമാരി തീരം, തെക്ക് കിഴക്കന് ബംഗാള് ഉള്ക്കടല് അതിനോട് ചേര്ന്നുള്ള ആന്ഡമാന് കടല് എന്നിവിടങ്ങളിലും ജൂണ് മൂന്ന്, നാല് തീയതികളില് തെക്ക്-പടിഞ്ഞാറന് ബംഗാള് ഉള്ക്കടലിലും മണിക്കൂറില് 40 മുതല് 50 കിലോമീറ്റര് വേഗതയിലും ചില അവസരങ്ങളില് 60 കിലോമീറ്റര് വേഗതയിലും വീശിയടിച്ചേക്കാവുന്ന ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
ഈ സാഹചര്യത്തില് കേരള - ലക്ഷദ്വീപ് തീരങ്ങളിലും മുന്നറിയിപ്പുള്ള മറ്റ് പ്രദേശങ്ങളിലും ഈ ദിവസങ്ങളില് മത്സ്യബന്ധനത്തിന് പോകരുതെന്ന് ജില്ലാ കളക്ടര് ഡോ. നവ്ജ്യോത് ഖോസ അറിയിച്ചു.
- Log in to post comments