കെ.ജി.റ്റി.ഇ പ്രിന്റിംഗ് ടെക്നോളജി കോഴ്സുകളിലേക്ക് സീറ്റ് ഒഴിവ്
സാങ്കേതിക വിദ്യാഭ്യാസ വകുപ്പും കേരള സ്റ്റേറ്റ് സെന്റര് ഫോര് അഡ്വാന്സ്ഡ് പ്രിന്റിംഗ് ആന്റ് ട്രെയിനിംഗും (സി-ആപ്റ്റ്) സംയുക്തമായി ആരംഭിക്കുന്ന കേരളാ ഗവണ്മെന്റ് അംഗീകാരമുള്ള ഒരു വര്ഷ കെ.ജി.റ്റി.ഇ പ്രീ പ്രസ് ഓപ്പറേഷന്, കെ.ജി.റ്റി.ഇ പ്രസ് വര്ക്ക് 2022-23 അധദ്ധ്യയന വര്ഷം ആരംഭിക്കുന്ന കോഴ്സുകളിലേക്ക് സീറ്റ് ഒഴിവ്. അപേക്ഷകര് എസ്. എസ്.എല്.സി പാസായിരിക്കണം. നൂതന സാങ്കേതിക അച്ചടി രംഗത്ത് തൊഴില് സാധ്യത ഏറെയുള്ള കോഴ്സാണ്.
സംസ്ഥാന സാങ്കേതിക വിദ്യാഭ്യാസ പരീക്ഷാ കണ്ട്രോളര് സര്ട്ടിഫിക്കറ്റുകള് നല്കുന്ന ഈ കോഴ്സില് പട്ടിക ജാതി/പട്ടിക വര്ഗ/ മറ്റര്ഹ വിഭാഗങ്ങള്ക്ക് നിയമാനുസൃത ഫീസാനുകൂല്യം ലഭിക്കും. ഒ.ബി.സി./എസ്.ഇ.ബി.സി മറ്റ് മുന്നോക്ക സമുദായങ്ങളിലെ സാമ്പത്തികമായി പിന്നോക്കം നില്ക്കുന്ന വിദ്യാര്ത്ഥികള്ക്ക് വരുമാന പരിധിക്ക് വിധേയമായി ഫീസാനുകൂല്യം ലഭിക്കും.
അപേക്ഷാ ഫോറം, പ്രോസ്പെക്ടസ് എന്നിവ സെന്ററിന്റെ പരിശീലന വിഭാഗത്തില് നിന്ന് 100 രൂപയ്ക്ക് നേരിട്ടും 135 രൂപയുടെ മണി ഓര്ഡറായി ഓഫീസര് ഇന് ചാര്ജ്, കേരളാ സ്റ്റേറ്റ് സെന്റര് ഫോര് അഡ്വാന്സ്ഡ് പ്രിന്റിംഗ് ആന്റ് ട്രെയിനിംഗ്, ഗവ. എല്. പി. സ്കൂള് കാമ്പസ്്, തോട്ടക്കാട്ടുകര പി.ഒ, ആലുവ- 683108 എന്ന വിലാസത്തില് അയച്ചാല് തപാല് മാര്ഗവും ലഭ്യമാകും.
വിശദവിവരങ്ങള് പരിശീലന വിഭാഗത്തിലെ (0484 2605322, 9605022555) എന്നീ ഫോണ് നമ്പറുകളില് ലഭ്യമാകും. പൂരിപ്പിച്ച അപേക്ഷ ലഭിക്കേണ്ട അവസാന തീയതി ജൂണ് 10.
- Log in to post comments