പൊന്‍കുന്നം മിനി സിവില്‍ സ്റ്റേഷന്‍ ഉദ്ഘാടനം 9ന്

പൊന്‍കുന്നം മിനി സിവില്‍ സ്റ്റേഷന്‍ കെട്ടിട സമുച്ചയം ആഗസ്റ്റ് ഒന്‍പതിന് വൈകിട്ട് 6.30ന് റവന്യൂ വകുപ്പു മന്ത്രി ഇ.ചന്ദ്രശേഖരന്‍ നാടിന് സമര്‍പ്പിക്കും. നാല് നിലകളിലായി ഒന്‍പത് ഓഫീസുകള്‍ പ്രവര്‍ത്തിക്കുന്ന മിനി സിവില്‍ സ്റ്റേഷന്റെ  പ്രവര്‍ത്തനോദ്ഘാടനവും ഗ്രീന്‍ പ്രോട്ടോക്കോള്‍ പ്രഖ്യാപനവും ധനകാര്യ-കയര്‍ വകുപ്പ് മന്ത്രി ഡോ.ടി.എം.തോമസ് ഐസക് നിര്‍വ്വഹിക്കും. വൈകിട്ട് 5.30 ന് നടക്കുന്ന ചടങ്ങില്‍ ഡോ.എന്‍.ജയരാജ് എം.എല്‍.എ അധ്യക്ഷത വഹിക്കും. ആന്റോ ആന്റണി എം.പി. മുഖ്യ പ്രഭാഷണം നടത്തും. വാഴൂര്‍ ബ്ലോക്ക് പഞ്ചായത്ത് പ്രസിഡന്റ് കെ.പി.ബാലഗോപാലന്‍ നായര്‍, ചിറക്കടവ് ഗ്രാമപഞ്ചായത്ത് പ്രസിഡന്റ് അഡ്വ.ജയാ ശ്രീധര്‍, ജില്ലാ പഞ്ചായത്ത് സ്റ്റാന്‍ഡിംഗ് കമ്മിറ്റി അധ്യക്ഷ ശശികലാ നായര്‍, ബ്ലോക്ക് പഞ്ചയത്തംഗം എ.ആര്‍.സാഗര്‍, ഗ്രാമപഞ്ചായത്തംഗം ബിനു സന്തോഷ് സി.ഡി.എസ് ചെയര്‍പേഴ്‌സണ്‍ ലീന കൃഷ്ണകുമാര്‍ , വിവിധ രാഷ്ട്രീയ പാര്‍ട്ടി പ്രതിനിധികള്‍ സംസാരിക്കും. ജില്ലാ കളക്ടര്‍ ഡോ.ബി.എസ്.തിരുമേനി സ്വാഗതവും തഹസില്‍ദാര്‍ ജോസ് ജോര്‍ജ്ജ് നന്ദിയും പറയും. ഉദ്ഘാടനത്തോടനുബന്ധിച്ച് 9,63,00,000 രൂപ ചെലവഴിച്ചാണ് കെട്ടിടം നിര്‍മ്മിച്ചത്. 7, 8 തീയതികളില്‍ പൊന്‍കുന്നത്തിന്റെ വികസന സാധ്യതകള്‍ സംബന്ധിച്ച് സെമിനാര്‍, പ്രതിഭകളെ ആദരിക്കല്‍, കലാ-സാംസ്‌കാരിക പരിപാടികള്‍, കരാട്ടെ-യോഗാ പ്രദര്‍ശനം എന്നിവ നടത്തും.

(കെ.ഐ.ഒ.പി.ആര്‍-1670/18)