അങ്കണവാടി പ്രീ സ്‌കൂള്‍ സാധനങ്ങള്‍ക്ക് ടെന്‍ഡര്‍ ക്ഷണിച്ചു

അഴുത അഡീഷണല്‍ ഐ.സി.ഡി.എസ് പ്രോജ്ക്ട് പരിധിയിലുള്ള 111 അങ്കണവാടികളിലേക്ക്  2022-23 കാലയളവില്‍ അങ്കണവാടി പ്രീ സ്‌കൂള്‍  സാധനങ്ങള്‍ വാങ്ങി നല്‍കുന്നതിന് ജി.എസ്.റ്റി രജിസ്ട്രേഷനുള്ള വ്യക്തികള്‍, സ്ഥാപനങ്ങള്‍ എന്നിവരില്‍ നിന്നും മുദ്രവച്ച കവറുകളില്‍ ടെന്‍ഡര്‍ ക്ഷണിച്ചു. ടെന്‍ഡര്‍ ഫോമുകള്‍ ജൂണ്‍  15 വരെയുള്ള പ്രവൃത്തി ദിവസങ്ങളില്‍ വണ്ടിപ്പെരിയാറില്‍ പ്രവര്‍ത്തിക്കുന്ന അഴുത അഡീഷണല്‍ ഐ.സി.ഡി.എസ് പ്രോജ്ക്ട് ഓഫീസില്‍ നിന്നും ലഭിക്കും. ടെന്‍ഡര്‍ സ്വീകരിക്കുന്ന അവസാന തീയതി ജൂണ്‍ 15 1 മണി. അന്നേദിവസം 3 ന് ടെന്‍ഡര്‍ തുറക്കും. ടെന്‍ഡറില്‍ പങ്കെടുക്കുന്ന വ്യക്തികളും സ്ഥാപനങ്ങളും ഓഫീസില്‍ നിന്നും അറിയിക്കുന്ന തീയതിയില്‍ സാംപിളുകള്‍ ബ്ലോക്ക്തല പ്രൊക്യുര്‍മെന്റ് കമ്മറ്റി മുന്‍പാകെ ഹാജരാക്കണം. നല്‍കുന്ന സാധനങ്ങള്‍ ടെന്‍ഡറില്‍ പറഞ്ഞിരിക്കുന്ന സവിശേഷതകള്‍ ഉള്ളതും 
പറഞ്ഞിട്ടുള്ള അളവിലും ടെന്‍ഡറില്‍ രേഖപ്പെടുത്തിയ വിലയിലും ആയിരിക്കണം. ടെന്‍ഡറിനോടൊപ്പം പ്രാരംഭ കരാര്‍ വെക്കണം. വിതരണത്തിനുള്ള ഓര്‍ഡര്‍ ലഭിച്ച്  15 ദിവസത്തിനുള്ളില്‍ സാധനങ്ങള്‍ ഓഫീസില്‍ എത്തിച്ച് നല്‍കണം. വിശദ വിവരങ്ങള്‍ക്ക് ഫോണ്‍: 04869 252030.