പ്രാദേശിക അവധി
കോഴിക്കോട് ജില്ലയിലെ ജി-19 ആയഞ്ചേരി ഗ്രാമപഞ്ചായത്ത്, 14-പൊയില്പാറ നിയോജകമണ്ഡലത്തിലേക്ക് ഒക്ടോബര് 11 ന് ഉപതെരഞ്ഞെടുപ്പ് നടക്കുന്നതിനാല് പ്രസ്തുത നിയോജകമണ്ഡലത്തിലെ പരിധിക്കുളളില് വരുന്ന സര്ക്കാര് ഓഫീസുകള്ക്കും വിദ്യാഭ്യാസ സ്ഥാപനങ്ങള്ക്കും ജില്ലാ തെരഞ്ഞെടുപ്പ് ഓഫീസറായ ജില്ലാ കലക്ടര് പ്രാദേശിക അവധി പ്രഖ്യാപിച്ചു.
കൂടാതെ ഉപതെരഞ്ഞെടുപ്പ് നടക്കുന്ന വാര്ഡുകളിലെ വോട്ടര്മാരായ സര്ക്കാര്, അര്ദ്ധസര്ക്കാര്, പൊതുമേഖല സ്ഥാപനങ്ങള്, നിയമാനുസൃത കമ്പനികള്, ബോര്ഡുകള്, കോര്പ്പറേഷനുകള് എന്നീ സ്ഥാപനങ്ങളിലെ ജീവനക്കാര്ക്ക് പ്രസ്തുത വാര്ഡിലെ വോട്ടറാണെന്ന് തെളിയിക്കുന്ന രേഖ സഹിതം അപേക്ഷിക്കുന്ന പക്ഷം സ്വന്തം പോളിംഗ് സ്റ്റേഷനില് വോട്ട് ചെയ്യുന്നതിന് പ്രത്യേക അനുമതി നല്കുവാന് ബന്ധപ്പെട്ട ഓഫീസ് മേലധികാരികള് ശ്രദ്ധിക്കേണ്ടതാണെന്നും തെരഞ്ഞെടുപ്പ് ഓഫീസര് അറിയിച്ചു.
- Log in to post comments