പരീക്ഷകളിൽ ഉന്നത വിജയം നേടിയ ഹരിതകർമ്മസേന അം​ഗങ്ങളുടെ കുട്ടികളെ അനുമോദിച്ചു

തിരുവന്തപുരം ജില്ലാ ക്ലീൻ കേരള കമ്പനിയുടെ ആഭിമുഖ്യത്തിൽ എസ്എസ്എൽസി, പ്ലസ് ടു പരീക്ഷകളിൽ ഉന്നത വിജയം നേടിയ ഹരിതകർമ സേന അംഗങ്ങളുടെ കുട്ടികളെ അനുമോദിച്ചു. കളക്ടറേറ്റ് കോൺഫറൻസ് ഹാളിൽ നടന്ന ചടങ്ങ് വി.കെ പ്രശാന്ത് എംഎൽഎ ഉദ്ഘാടനം ചെയ്തു. ജില്ലാ കളക്ടർ അനുകുമാരി, വിദ്യാർത്ഥികൾക്ക് ക്യാഷ് പ്രൈസ്, ട്രോഫി, സർട്ടിഫിക്കറ്റ് എന്നിവ വിതരണം ചെയ്തു.

ജില്ലാ പഞ്ചായത്ത് പ്രസിഡന്റ് ഡി സുരേഷ് കുമാർ, തദ്ദേശ സ്വയംഭരണ വകുപ്പ് ജോയിന്റ് ഡയറക്ടർ സറീന എ റഹ്മാൻ, തദ്ദേശ സ്വയംഭരണ വകുപ്പ് അസിസ്റ്റന്റ് ഡയറക്ടർ ആർ രഞ്ജിത, ശുചിത്വ മിഷൻ ജില്ലാ കോർഡിനേറ്റർ അരുൺ രാജ്, നവകേരള മിഷൻ ജില്ലാ കോർഡിനേറ്റർ സി അശോക്, കുടുംബശ്രീ ജില്ലാ കോർഡിനേറ്റർ രമേശ്, ക്യാമ്പയിൻ സെക്രട്ടേറിയറ്റ് കോർഡിനേറ്റർ ഹരികൃഷ്ണൻ കെ ജി, ക്ലീൻ കേരള കമ്പനി എം ഡി ജി കെ സുരേഷ് കുമാർ, ജില്ലാ മാനേജർ കൃഷ്ണ സമ്പത്ത് ബി കെ എന്നിവർ സംസാരിച്ചു.