അറിയിപ്പുകൾ 2

മീഡിയ അക്കാദമി മൂവി ക്യാമറ പ്രൊഡക്ഷന്‍ ഡിപ്ലോമ:ജനുവരി 4 വരെ അപേക്ഷിക്കാം

സംസ്ഥാന സര്‍ക്കാരിന്റെ സ്വയംഭരണ സ്ഥാപനമായ കേരള മീഡിയ അക്കാദമി കൊച്ചി, തിരുവനന്തപുരം സെന്ററുകളില്‍ നടത്തുന്ന മൂവി ക്യാമറ പ്രൊഡക്ഷന്‍ ഡിപ്ലോമ  കോഴ്‌സിലേക്ക് ജനുവരി നാലു വരെ അപേക്ഷിക്കാം. തിയറിയും പ്രാക്ടിക്കലും ഉള്‍പ്പെടെ രണ്ടര മാസമാണ് കോഴ്‌സിന്റെ കാലാവധി. ഓരോ സെന്ററിലും 25 സീറ്റുകള്‍ ഉണ്ട്. സര്‍ക്കാര്‍ അംഗീകാരമുള്ള കോഴ്‌സിന് 25,000 രൂപയാണ് ഫീസ്. പ്ലസ് ടു വിദ്യാഭ്യാസ യോഗ്യതയുള്ളവര്‍ക്ക് www.keralamediaacademy.org വെബ്സൈറ്റിലൂടെ ഓണ്‍ലൈനായി അപേക്ഷിക്കാം. പ്രായപരിധി ഇല്ല. 
പ്രമുഖ ക്യാമറ നിര്‍മ്മാണ കമ്പനികളുടെ സാങ്കേതിക സഹായത്തോടെയാണ് കോഴ്‌സ് രൂപകല്‍പ്പന ചെയ്തിട്ടുള്ളത്. ലൈറ്റിംഗ്, ലെന്‍സ്, ചിത്രീകരണം മുതലായവയില്‍ ഊന്നല്‍ നല്‍കി സമഗ്ര പഠന പദ്ധതിയാണ് വിഭാവനം ചെയ്തിട്ടുള്ളത്. അപേക്ഷ സ്വീകരിക്കുന്ന അവസാന തീയതി 2025 ജനുവരി 4. 
ഫോണ്‍: 0484-2422275, 9447607073.

ഫോക് ലോര്‍ ഫെസ്റ്റില്‍ പുതുവത്സരാഘോഷം ഇന്നു (28) മുതല്‍

ഫോക് ലോര്‍ ഫെസ്റ്റിന്റെ ഭാഗമായി ഡിസംബര്‍ 28, 29, 30 തീയതികളിലായി സംഘടിപ്പിക്കുന്ന പുതുവത്സരാഘോഷങ്ങള്‍ക്ക് ഇന്ന് കുഴുപ്പിള്ളി ബീച്ചില്‍ വൈകുന്നേരം 3.30 ന്  ഘോഷയാത്രയോടെ തുടക്കമാകും.തുടര്‍ന്ന് സംസ്‌കാരിക സമ്മേളനം കെ എന്‍ ഉണ്ണിക്കൃഷ്ണന്‍ എംഎല്‍എയും രാജു നാരായണ സ്വാമി ഐ എ എസും ചേര്‍ന്ന് ഉദ്ഘാടനം ചെയ്യും.

പഞ്ചായത്ത് പ്രസിഡന്റും ഫോക് ലോര്‍ ഫെസ്റ്റ് ജനറല്‍ കണ്‍വീനറുവായ കെ എസ് നിബിന്‍ അധ്യക്ഷനാവും, സാമൂഹിക പ്രവര്‍ത്തക കെ ജെ ഷൈന്‍ ടീച്ചര്‍, ഫ്രാഗ് പ്രസിഡന്റ് വി പി സാബു, രാഗം ടീച്ചര്‍, ഡെന്നിസണ്‍ കോമത്ത് എന്നിവര്‍ പങ്കെടുക്കും.

കുഴുപ്പിള്ളി ബീച്ച്, എടവനക്കാട് പുളിക്ക നാട്ടു ഹാള്‍ , ചെറായി ബീച്ച് എന്നിവിടങ്ങള്‍ വേദിയാകും.

മീഡിയ അക്കാദമി ഓഡിയോ പ്രൊഡക്ഷന്‍ ഡിപ്ലോമ: ജനുവരി 4 വരെ അപേക്ഷിക്കാം 

സംസ്ഥാന സര്‍ക്കാരിന്റെ സ്വയംഭരണ സ്ഥാപനമായ കേരള മീഡിയ അക്കാദമി കൊച്ചി, തിരുവനന്തപുരം സെന്ററുകളില്‍ നടത്തുന്ന ഓഡിയോ പ്രൊഡക്ഷന്‍ ഡിപ്ലോമ  കോഴ്‌സിലേക്ക് ജനുവരി നാലു വരെ അപേക്ഷിക്കാം. റേഡിയോ അവതരണം (റേഡിയോ ജോക്കി), പോഡ്കാസ്റ്റിംഗ്, ഡബ്ബിംഗ്, ഓഡിയോ എഡിറ്റിംഗ്, മിക്‌സിംഗ് ആന്റ് മാസ്റ്ററിംഗ് തുടങ്ങിയ മേഖലകളില്‍ വിദഗ്ധ പരിശീലനം നല്‍കുന്ന കോഴ്‌സിന്റെ കാലാവധി രണ്ടര മാസമാണ്. പ്രായപരിധി ഇല്ല. ഓരോ സെന്ററിലും 10 സീറ്റുകള്‍ വീതം ഉണ്ട്. സര്‍ക്കാര്‍ അംഗീകാരമുള്ള കോഴ്‌സിന് 15,000 രൂപയാണ് ഫീസ്.  പ്ലസ് ടു വിദ്യാഭ്യാസ യോഗ്യതയുള്ളവര്‍ക്ക് www.keralamediaacademy.org വെബ്സൈറ്റിലൂടെ ഓണ്‍ലൈനായി അപേക്ഷിക്കാം. കൊച്ചി, തിരുവനന്തപുരം സെന്ററുകളില്‍ സുസജ്ജമായ ഓഡിയോ സ്റ്റുഡിയോകളിലാണ് പരിശീലനം. അപേക്ഷ സ്വീകരിക്കുന്ന അവസാന തീയതി 2025 ജനുവരി നാല്. 
ഫോണ്‍: 0484-2422275, 0471-2726275, 9744844522,7907703499.