Post Category
പെന്‍ഷന്‍ പദ്ധതികളുടെ ജില്ലാതല ഉദ്ഘാടനം 24 ന്
അസംഘടിത മേഖലയിലെ തൊഴിലാളികളുടേയും ചെറുകിട കച്ചവടക്കാരുടേയും ക്ഷേമത്തിനും സുരക്ഷയ്ക്കുമായി കേന്ദ്ര-സര്‍ക്കാര്‍ ആവിഷ്‌ക്കരിച്ച പെന്‍ഷന്‍ പദ്ധതികളായ പി.എം.എസ്.വൈ.എം (പ്രധാന്‍ മന്ത്രി ശ്രംയോഗി മാന്‍ ധന്‍ യോജന), എന്‍.പി.എസ് (നാഷണല്‍ പെന്‍ഷന്‍ സ്‌കീം ഫോര്‍ ട്രേഡേഴ്സ്) എന്നിവയുടെ ജില്ലാതല ഉദ്ഘാടനവും ബോധവത്കരണ ക്ലാസും മാര്‍ച്ച് 24 ന് രാവിലെ 11 മണിക്ക് പാലക്കാട് കെ.എസ്.ആര്‍.ടി.സി സ്റ്റാന്റിന് എതിര്‍വശത്തുള്ള ടോപ് ഇന്‍ ടൗണ്‍ ഓഡിറ്റോറിയത്തില്‍ ജില്ലാ കളക്ടര്‍ ജി.പ്രിയങ്ക ഉദ്ഘാടനം ചെയ്യും. ജില്ലയില്‍ തൊഴില്‍ വകുപ്പിന്റെ ആഭിമുഖ്യത്തിലാണ് പദ്ധതികള്‍ നടപ്പിലാക്കുന്നത്. പെന്‍ഷന്‍ പദ്ധതിയിലേക്കുള്ള വിവരണവും രജിസ്ട്രേഷന്‍ ക്യാമ്പുകളും അന്നേ ദിവസം നടക്കുമെന്ന് ജില്ലാ ലേബര്‍ ഓഫീസര്‍ (എന്‍ഫോഴ്സ്മെന്റ്) അറിയിച്ചു.
date
- Log in to post comments