സൗജന്യ പരീക്ഷ പരിശീലനം

ഏപ്രില്‍ 10 ന് ആരംഭിക്കുന്ന ബിരുദ യോഗ്യതയുള്ള പി.എസ്.സി പരീക്ഷകള്‍ക്ക് പട്ടികജാതി വികസന വകുപ്പിന് കീഴില്‍ കുഴല്‍മന്ദം ചന്തപ്പുര ഇ.പി. ടവറില്‍ പ്രവര്‍ത്തിക്കുന്ന ഗവ. പ്രീ എക്‌സാമിനേഷന്‍ ട്രെയിനിങ് സെന്ററില്‍ സൗജന്യ പരിശീലനം നല്‍കുന്നു. പട്ടികജാതി/പട്ടിക വര്‍ഗ്ഗ/ ഒബിസി വിഭാഗത്തില്‍പ്പെട്ടവര്‍ക്ക് അപേക്ഷിക്കാം. ബിരുദമാണ് യോഗ്യത. ഒ.ബി.സി വിഭാഗത്തില്‍ വാര്‍ഷിക വരുമാന പരിധി ഒരു ലക്ഷം രൂപയില്‍ താഴെ ഉള്ളവര്‍ക്ക് അപേക്ഷിക്കാം.  അപേക്ഷയുടെ മാതൃകയും വിജ്ഞാപനത്തിന്റെ പകര്‍പ്പും ജില്ലാ, ബ്ലോക്ക് മുനിസിപ്പല്‍ പട്ടികജാതി വികസന ഓഫീസുകളില്‍ ലഭിക്കുമെന്ന് പ്രന്‍സിപ്പല്‍ അറിയിച്ചു. ഫോണ്‍: 04922 273777.