ഉന്നത വിദ്യാഭ്യാസ അവാർഡുകൾ വിതരണം ചെയ്തു

കേരള കർഷകത്തൊഴിലാളി ക്ഷേമനിധിയിൽ അംഗങ്ങളായവരുടെ മക്കളിൽ ഉന്നത വിദ്യാഭ്യാസ പരീക്ഷയിൽ ഉയർന്ന മാർക്ക് നേടിയവർക്കുള്ള അവാർഡുകളുടെ വിതരണം ബോർഡ് ചെയർമാൻ എൻ. ചന്ദ്രൻ നിർവഹിച്ചു. ബിരുദം, പ്രൊഫഷണൽ ബിരുദം, പി.ജി, പ്രൊഫഷണൽ പി.ജി, ടി.ടി.സി, ഐ.ടി.ഐ, പോളി ടെക്‌നിക്, പാരാ മെഡിക്കൽ കോഴ്‌സുകൾ, ബി.എഡ് എന്നീ കോഴ്‌സുകളിൽ ഉയർന്ന മാർക്ക് വാങ്ങി വിജയിച്ച ജില്ലയിലെ 26 വിദ്യാർഥികൾക്കാണ് ധനസഹായം നൽകിയത്. ക്ഷേമനിധി ജില്ലാ ഓഫീസിൽ നടന്ന പരിപാടിയിൽ ജില്ലാ എക്സിക്യൂട്ടീവ് ഓഫീസർ കെ.ആർ വിപിൻ അധ്യക്ഷനായി. ബോർഡ് സ്റ്റാഫ് സി. പ്രദീപ് കുമാർ, കെഎസ്‌കെടിയു ജില്ലാ ജോയിന്റ് സെക്രട്ടറി രമേശ് ബാബു, ഡികെടിഎഫ് ജില്ലാ പ്രസിഡന്റ് വള്ളിൽ നാരായണൻ, ബിഎംഎസ് ജില്ലാ ജോയിന്റ് സെക്രട്ടറി വനജ രാഘവൻ, എച്ച്എംഎസ് പ്രതിനിധി മനോജ് കുമാർ എന്നിവർ സംസാരിച്ചു.