ഐ.സി.എം.ആര്‍ ഗവേഷണ പ്രൊജക്ടില്‍ വിവിധ ഒഴിവുകള്‍

ആരോഗ്യ വകുപ്പിന് കീഴില്‍ പ്രവര്‍ത്തിക്കുന്ന സ്റ്റേറ്റ് ഹെല്‍ത്ത് സിസ്റ്റംസ് റിസോഴ്സ് സെന്റര്‍-കേരളയിലെ ഐ.സി.എം.ആര്‍ റിസര്‍ച്ച് പ്രോജക്ടിലേക്ക് റിസര്‍ച്ച് സയന്റിസ്റ്റ്, ടെക്നിക്കല്‍ സപ്പോര്‍ട്ട് എന്നിവരെ കരാര്‍ പ്രകാരം നിയമനം നടത്തും. പ്രോജക്ട് ടെക്നിക്കല്‍ സപ്പോര്‍ട്ട് തസ്തികയിലേക്ക്  ബിരുദവും മൂന്ന്  വര്‍ഷ പ്രവൃത്തിപരിചയവും അല്ലെങ്കില്‍ പബ്ലിക്ക് ഹെല്‍ത്ത്, സോഷ്യല്‍ വര്‍ക്ക്, സോഷ്യോളജി, സൈക്കോളജി, ആന്ത്രപ്പോളജി, ലൈഫ് സയന്‍സ് എന്നിവയിലുള്ള ബിരുദാനന്തര ബിരുദവുമാണ് യോഗ്യത. പ്രായപരിധി: 35 വയസ്സ്. പ്രോജക്ട് റിസര്‍ച്ച് സയന്റിസ്റ്റ് തസ്തികയിലേക്ക് പബ്ലിക്ക് ഹെല്‍ത്ത്, നഴ്സിംഗ്, സോഷ്യല്‍ വര്‍ക്ക്, സോഷ്യോളജി എന്നിവയിലുള്ള ഫസ്റ്റ്, സെക്കന്റ് ക്ലാസ്  ബിരുദാനന്തര ബിരുദവും മൂന്ന് വര്‍ഷ പ്രവൃത്തിപരിചയവും അല്ലങ്കില്‍ പി.എച്ച്.ഡി എന്നിവയാണ് യോഗ്യത. സെക്കന്റ് ക്ലാസ് ബിരുദാനന്തര ബിരുദമുള്ളവര്‍ക്ക് പി.എച്ച്.ഡി നിര്‍ബന്ധമാണ്. പ്രായപരിധി 40 വയസ്സ്. അപേക്ഷകള്‍ ഏപ്രില്‍ 10 ന് വൈകിട്ട് അഞ്ചിന് മുന്‍പ് ഓണ്‍ലൈനായി സമര്‍പ്പിക്കണം. ട്രാസ്ജെന്‍ഡര്‍, ഇന്റര്‍സെക്സ് വ്യക്തികള്‍ക്ക് മുന്‍ഗണന. കൂടുതല്‍ വിവരങ്ങള്‍ക്ക് www.shsrc.kerala.gov.in  ഫോണ്‍: 0471 2323223. 
(പിആർ/എഎൽപി/948)