ജില്ല മാലിന്യമുക്തം മാലിന്യനിര്‍മാര്‍ജനത്തില്‍ കൊല്ലം മികച്ച മാതൃക: മന്ത്രി ജെ.ചിഞ്ചുറാണി

 
മാലിന്യമുക്ത പദവിയുടെ തിളക്കത്തില്‍ ജില്ല. ശുചീകരണ പ്രവര്‍ത്തനങ്ങള്‍ക്ക് ഊര്‍ജം പകരുന്ന പ്രഖ്യാപനം നടത്തിയത്  ക്ഷീരവികസന- മൃഗസംരക്ഷണ വകുപ്പ് മന്ത്രി ജെ.ചിഞ്ചുറാണി. സി. കേശവന്‍ സ്മാരക ടൗണ്‍ ഹാളില്‍ നിര്‍വഹിച്ചു. സംസ്ഥാനത്തെ ആദ്യ സമ്പൂര്‍ണ ബയോ മൈനിങ് പദ്ധതിയിലൂടെ കുരീപ്പുഴ ചണ്ടിഡിപ്പോയിലെ മാലിന്യങ്ങള്‍ നീക്കി മാലിന്യനിര്‍മാര്‍ജനത്തില്‍ മികച്ച മാതൃകയാണ് ജില്ല സൃഷ്ടിച്ചതെന്ന് മന്ത്രി പറഞ്ഞു. കാലങ്ങളായി നിലനിന്നിരുന്ന വലിച്ചെറിയല്‍ സംസ്‌കാരത്തിനാണ് ഹരിതകര്‍മസേന പ്രവര്‍ത്തനങ്ങളിലൂടെ മാറ്റംവന്നത്. മാലിന്യമുക്ത നവകേരളം ക്യാമ്പയിനിലൂടെയും ജനകീയ ഇടപെടലുകള്‍ വഴിയുമാണ് ലക്ഷ്യം സാക്ഷാത്കരിച്ചതെന്നും മന്ത്രി വ്യക്തമാക്കി.
എം. നൗഷാദ് എം.എല്‍.എ അധ്യക്ഷനായി. എന്‍.കെ പ്രേമചന്ദ്രന്‍ എം.പി, എം. മുകേഷ് എം.എല്‍.എ, മേയര്‍ ഹണി, ജില്ലാ പഞ്ചായത്ത് പ്രസിഡന്റ് ഡോ. പി.കെ ഗോപന്‍, ജില്ലാ കലക്ടര്‍ എന്‍. ദേവിദാസ്,  ഡെപ്യൂട്ടി മേയര്‍ എസ്.ജയന്‍, ജില്ലാ പഞ്ചായത്ത് വൈസ് പ്രസിഡന്റ് ശ്രീജ ഹരീഷ്, എല്‍.എസ്.ജി.ഡി ജോയിന്റ് ഡയറക്ടര്‍ എസ്. സുബോധ്, നവകേരള കര്‍മപദ്ധതി ജില്ലാ കോര്‍ഡിനേറ്റര്‍ എസ്. ഐസക്, തദ്ദേശസ്ഥാപന അധ്യക്ഷര്‍, ഹരിതകര്‍മ സേനാംഗങ്ങള്‍, കുടുംബശ്രീ പ്രവര്‍ത്തകര്‍ തുടങ്ങിയവര്‍ പങ്കെടുത്തു.

മാലിന്യസംസ്‌കരണ സംവിധാനങ്ങളിലെ കൊല്ലം മാതൃക
2024 ഒക്ടോബര്‍ രണ്ട് മുതല്‍ 2025 മാര്‍ച്ച് 30 അന്താരാഷ്ട്ര സീറോവേസ്റ്റ് ദിനം വരെയാണ് ബൃഹത്തായ ''മാലിന്യ മുക്തം നവകേരളം ജനകീയ ക്യാമ്പയിന്‍' പ്രവര്‍ത്തനങ്ങള്‍ക്ക് രൂപം നല്‍കിയത്. ക്യാമ്പയിന്‍ പ്രവര്‍ത്തനം രണ്ടു വര്‍ഷക്കാലം പൂര്‍ത്തിയായപ്പോഴേക്കും ജില്ലയില്‍ മാലിന്യ സംസ്‌കരണത്തിനുള്ള അടിസ്ഥാന സൗകര്യങ്ങള്‍ക്ക് കാര്യമായ പുരോഗതി കൈവരിക്കാനായി. വാതില്‍പ്പടി ശേഖരണത്തില്‍ 100 ശതമാനവും യൂസര്‍ഫീ കളക്ഷനില്‍ 84 ശതമാനവും ഉണ്ടായി. മിനി എം.സി.എഫ്- 1856, എം.സി.എഫ്- 100, ആര്‍.ആര്‍.എഫ് 14, സ്ഥാപന ജൈവമാലിന്യ സംസ്‌കരണ സംവിധാനങ്ങള്‍- 683, ഗാര്‍ഹിക ജൈവ മാലിന്യ സംസ്‌കരണ സംവിധാനങ്ങള്‍- 114903, സാനിറ്ററി മാലിന്യ സംസ്‌കരണ സംവിധാനങ്ങള്‍- 79, സ്പെഷ്യല്‍ വേസ്റ്റ് സംസ്‌കരണ സംവിധാനങ്ങള്‍- 21, മാലിന്യം കൈകാര്യം ചെയ്യുന്ന വാഹനങ്ങള്‍- 86, സ്ഥാപിച്ച ബിന്നുകള്‍-109365 എണ്ണം, സ്ഥാപിച്ച ബോട്ടില്‍ ബൂത്തുകള്‍- 500,  ഹരിതകര്‍മ്മസേന -3093 എന്നിങ്ങനെയാണ് നിലവിലെ സ്ഥിതി. ഹരിത കര്‍മ്മസേനയുടെ ശരാശരി മാസ വരുമാനം 10,000 മുതല്‍ 25,000 രൂപ വരെയാണ്.
അഞ്ച് ഘട്ടങ്ങളിലായി നടത്തിയ ക്യാമ്പയിന്‍ പ്രവര്‍ത്തനത്തിന്റെ ഫലമായി ജില്ലയിലെ മുഴുവന്‍ വിദ്യാലയങ്ങളും, കലാലയങ്ങളും, സ്ഥാപനങ്ങളും ഹരിത വിദ്യാലയം, ഹരിത കലാലയം, ഹരിത സ്ഥാപനങ്ങളായി മാറ്റാന്‍ സാധിച്ചു. ജില്ലയിലെ 20 വിനോദ സഞ്ചാര / തീര്‍ത്ഥാടന കേന്ദ്രങ്ങളും എല്ലാ അയല്‍ക്കൂട്ടങ്ങളും ഹരിത വിനോദ സഞ്ചാരകേന്ദ്രം, ഹരിത അയല്‍ക്കൂട്ടം പദവി കൈവരിച്ചു. തദ്ദേശ സ്ഥാപനങ്ങളിലെ പ്രധാന കവലകളും പൊതു സ്ഥലങ്ങളും വലിച്ചെറിയല്‍ മുക്തമാക്കി ശുചിത്വം ഉറപ്പാക്കി ബിന്നുകള്‍ സ്ഥാപിച്ച് സൗന്ദര്യവല്‍ക്കരിക്കാനും ക്യാമ്പയിനിലൂടെ സാധിച്ചു.
ശുചിമുറി മാലിന്യ സംസ്‌ക്കരണത്തിനായി ജില്ലാ പഞ്ചായത്തിന്റെ നേതൃത്വത്തില്‍ മൊബൈല്‍ സംസ്‌കരണ യൂണിറ്റ് വാങ്ങുന്നതിനുള്ള പദ്ധതിക്ക് ജില്ലാ ആസൂത്രസമിതി അംഗീകാരം ലഭിച്ചു. ഒരു യൂണിറ്റിനുള്ള അടങ്കല്‍തുക 50 ലക്ഷം രൂപയാണ്. ടെണ്ടര്‍ നടപടികള്‍ പൂര്‍ത്തിയാക്കി.
സാനിട്ടറി മാലിന്യം സംസ്‌കരിക്കുന്നതിനായി ഡബിള്‍ ചേംബര്‍ ഇന്‍സിനറേറ്ററുകള്‍, സ്വീവേജ് ട്രീറ്റ്മെന്റ് പ്ലാന്റ്, എഫ്.എസ്.ടി.പി എന്നിവ സ്ഥാപിക്കുന്നതിനുള്ള പദ്ധതികള്‍ വിവിധ തദ്ദേശസ്വയംഭരണ സ്ഥാപനങ്ങള്‍ ഏറ്റെടുത്തിട്ടുണ്ട്. വിവിധ രാഷ്ട്രീയ -യുവജന സംഘടനകള്‍, വിദ്യാര്‍ഥികള്‍, സന്നദ്ധ പ്രവര്‍ത്തകര്‍, മത-സാമുദായിക സംഘടനകള്‍, ക്ലബുകള്‍, ഗ്രന്ഥശാലകള്‍ തുടങ്ങി എല്ലാ ജനവിഭാഗങ്ങളെയും ഉള്‍പ്പെടുത്തി വിപുലമായ രീതിയില്‍ ഹരിതകേരളം മിഷന്റെ ഏകോപനത്തിലാണ് മാലിന്യമുക്തം നവകേരളം ജനകീയ ക്യാമ്പയിന്‍ നടപ്പിക്കിയത്.

ജില്ലാ പുരസ്‌കാരങ്ങള്‍
മികച്ച ഗ്രാമപഞ്ചായത്ത്- പനയം, അലയമണ്‍
മികച്ച മുനിസിപ്പാലിറ്റി- കൊട്ടാരക്കര
ബ്ലോക്ക് തലത്തില്‍ മികച്ച ഗ്രാമപഞ്ചായത്തായി തെരഞ്ഞെടുത്ത ഗ്രാമപഞ്ചായത്തുകള്‍:
ഓച്ചിറ ബ്ലോക്ക് - തഴവ ഗ്രാമപഞ്ചായത്ത്
ശാസ്താംകോട്ട് ബ്ലോക്ക് - ശൂരനാട് സൗത്ത് ഗ്രാമപഞ്ചായത്ത്
വെട്ടിക്കവല ബ്ലോക്ക് - പവിത്രേശ്വരം ഗ്രാമപഞ്ചായത്ത്
പത്തനാപുരം ബ്ലോക്ക് - തലവൂര്‍ ഗ്രാമപഞ്ചായത്ത്
അഞ്ചല്‍ ബ്ലോക്ക് -ഏരൂര്‍ ഗ്രാമപഞ്ചായത്ത്
കൊട്ടാരക്കര ബ്ലോക്ക്- വെളിയം ഗ്രാമപഞ്ചായത്ത്
ചിറ്റുമല ബ്ലോക്ക് - പനയം ഗ്രാമപഞ്ചായത്ത്
ചവറ ബ്ലോക്ക് - തെക്കും ഭാഗം ഗ്രാമപഞ്ചായത്ത്
മുഖത്തല ബ്ലോക്ക് - കൊറ്റങ്കര ഗ്രാമപഞ്ചായത്ത്
ഇത്തിക്കര ബ്ലോക്ക് - പൂതക്കുളം ഗ്രാമപഞ്ചായത്ത്
ചടയമംഗലം ബ്ലോക്ക് - കടയ്ക്കല്‍ ഗ്രാമപഞ്ചായത്ത്
യൂസര്‍ ഫീ കളക്ഷനില്‍ ഏറ്റവും മികച്ച തദ്ദേശസ്വയംഭരണ സ്ഥാപനം- കടയ്ക്കല്‍ പഞ്ചായത്ത്
മികച്ച സി.ഡി.എസ്- ഇടമുളയ്ക്കല്‍ ഗ്രാമപഞ്ചായത്ത്
മികച്ച ഹരിത കര്‍മ്മ സേന കണ്‍സോര്‍ഷ്യം- പനയം
മികച്ച എം.സി.എഫ്- പനയം
മികച്ച ആര്‍ആര്‍എഫ്- പുനലൂര്‍
മികച്ച സര്‍ക്കാര്‍ സ്ഥാപനം- ഇത്തിക്കര ബ്ലോക്ക് പഞ്ചായത്ത്, കുടുംബാരോഗ്യ കേന്ദ്രം- കലയ്ക്കോട് പൂതക്കുളം
മികച്ച എന്‍എസ്എസ്- ശ്രീനാരായണ കോളേജ് (മെന്‍സ്) കൊല്ലം
മികച്ച സ്‌കൂള്‍- സര്‍ക്കാര്‍ എല്‍.പി.എസ് പ•ന മനയില്‍, ചിറ്റൂര്‍ സര്‍ക്കാര്‍ യു.പി.എസ്
മികച്ച കലാലയം- ശ്രീനാരായണ കോളേജ് (മെന്‍സ്) കൊല്ലം
മികച്ച റെസിഡന്റ്സ് അസോസിയേഷന്‍- സ്‌കൈലൈന്‍ മാര്‍ബെല്ലാ ഓണേഴ്സ് അസോസിയേഷന്‍
മികച്ച രീതിയില്‍ മാലിന്യസംസ്‌കരണവുമായി ബന്ധപ്പെട്ട പ്രവര്‍ത്തനങ്ങള്‍ സാധ്യമാക്കിയ സ്ഥാപനം- അമൃത വിശ്വവിദ്യാപീഠം, കരുനാഗപ്പള്ളി
മികച്ച ടൗണ്‍ ( പഞ്ചായത്ത്) - പിറവന്തൂര്‍
മികച്ച ടൗണ്‍ (നഗരസഭ)-പുനലൂര്‍
മികച്ച ടൂറിസം കേന്ദ്രം-ജഡായു എര്‍ത്ത് സെന്റര്‍, ചടയമംഗലം
ഹരിത അയല്‍കൂട്ടം പദവിയില്‍ ഏറ്റവും മികച്ച തദ്ദേശസ്വയംഭരണ സ്ഥാപനം (പഞ്ചായത്ത്)- കടയ്ക്കല്‍ ഗ്രാമപഞ്ചായത്ത്
ഹരിത അയല്‍കൂട്ടം പദവിയില്‍ ഏറ്റവും മികച്ച തദ്ദേശസ്വയംഭരണ സ്ഥാപനം (നഗരസഭ)- 1) ധന്യശ്രീ അയല്‍ക്കൂട്ടം, മുളങ്കാടകം, കൊല്ലം കോര്‍പ്പറേഷന്‍, 2) സീനിയ അയല്‍ക്കൂട്ടം, പാലത്തറ, കൊല്ലം ഈസ്റ്റ്
എന്‍ഫോഴ്സ്‌മെന്റ് പ്രവര്‍ത്തനത്തില്‍ മികച്ച തദ്ദേശസ്വയംഭരണ സ്ഥാപനം (പഞ്ചായത്ത്)- തൊടിയൂര്‍ ഗ്രാമപഞ്ചായത്ത്
എന്‍ഫോഴ്സ്‌മെന്റ് പ്രവര്‍ത്തനത്തില്‍ മികച്ച തദ്ദേശസ്വയംഭരണ സ്ഥാപനം (നഗരസഭ)- കരുനാഗപ്പളളി നഗരസഭ
ഹരിത പൊതു സ്ഥലങ്ങള്‍ പദവിയില്‍ ഏറ്റവും മികച്ച തദ്ദേശസ്വയംഭരണ സ്ഥാപനം (പഞ്ചായത്ത്)- എഴുകോണ്‍ ഗ്രാമപഞ്ചായത്ത്
ഹരിത പൊതു സ്ഥലങ്ങള്‍ പദവിയില്‍ ഏറ്റവും മികച്ച തദ്ദേശസ്വയംഭരണ സ്ഥാപനം (നഗരസഭ)- പരവൂര്‍ നഗരസഭ
മാര്‍ച്ച് മാസം വാതില്‍പടി ശേഖരണവും, യൂസര്‍ ഫിയും, 100% കൈവരിച്ച കോര്‍പ്പറേഷന്‍ ഡിവിഷന്‍- പാല്‍കുളങ്ങര-ഡിവിഷന്‍ 25, തേവളളി- ഡിവിഷന്‍ 12, മരുത്തടി- ഡിവിഷന്‍ 1, മങ്ങാട്- ഡിവിഷന്‍ 20, വടക്കുംഭാഗം- ഡിവിഷന്‍ 13
 ക്യാമ്പയിന്‍ പ്രവര്‍ത്തനങ്ങള്‍ മാതൃകാപരമായി ഏറ്റെടുത്ത് വിജയിപ്പിച്ച 11 ബ്ലോക്ക് പഞ്ചായത്തുകള്‍ക്കും   അവാര്‍ഡ് കൈമാറി