ചുഴലിക്കാറ്റും അനുബന്ധ ദുരന്തങ്ങളും; മോക് എക്സര്സൈസ് ഏപ്രില്‍ 11ന്
ചുഴലിക്കാറ്റും അനുബന്ധ ദുരന്തങ്ങളും നേരിടുന്നതിനും തയ്യാറെടുപ്പുകള്‍ വിലയിരുത്തുന്നതിനുമായി മോക് എക്സര്സൈസ് ഏപ്രില്‍ 11 ന് നടക്കും. ദേശീയ ദുരന്ത നിവാരണ അതോറിറ്റിയും കേരള സംസ്ഥാന ദുരന്ത നിവാരണ അതോറിറ്റിയും ചേര്‍ന്നാണ് മോക്ഡ്രില്‍ സംഘടിപ്പിക്കുന്നത്. കഞ്ചിക്കോട് എച്ച് പി സി എല്‍ എല്‍പിജി, ചിറ്റൂര്‍ വണ്ണാമട
എം കെ ഗ്യാസ് ടെക് എന്നിവിടങ്ങളിലായി രാവിലെ ഒന്‍പത് മുതല്‍ ഉച്ചയ്ക്ക് 12 വരെയാണ് മോക് എക്സര്സൈസ്.
ദുരന്ത മുന്നറിയിപ്പ് ലഭിക്കുന്ന ഘട്ടത്തില്‍ മുന്‍കൂട്ടി നിശ്ചയിക്കപ്പെട്ടിരിക്കുന്ന ഇന്‍സിഡന്റ് റെസ്പോണ്‍സ് സിസ്റ്റത്തിന്റെ പ്രവര്‍ത്തനം, കണ്‍ട്രോള്‍ റൂമുകളുടെ പ്രവര്‍ത്തനം, വിവിധ വകുപ്പുകള്‍ തമ്മിലുള്ള ഏകോപനം, ആശയവിനിമയോപാധികളുടെ കൃത്യമായ ഉപയോഗം, സൈറണുകളുടെ പ്രവര്‍ത്തനം, അപകട സ്ഥലത്ത് നടത്തുന്ന പ്രതികരണ-രക്ഷാപ്രവര്‍ത്തനങ്ങളുടെ ഏകോപനം തുടങ്ങിയവ മോക് എക്‌സര്‍സൈസില്‍ വിലയിരുത്തും.
സംസ്ഥാന- ജില്ലാ-താലൂക്ക്തല അടിയന്തിരഘട്ട കാര്യാനിര്‍വ്വഹണ കേന്ദ്രങ്ങളുടെ നേതൃത്വത്തില്‍ കളക്ട്രേറ്റ് കോണ്‍ഫറന്‍സ് ഹാളില്‍ നടത്തിയ ടേബിള്‍ ടോപ്പ് എക്സര്സൈസ് യോഗത്തില്‍ എ.ഡി.എം. കെ. മണികണ്ഠന്‍, എന്‍.ഡി.ആര്‍.എഫ്. എസ്.ഐ. കുല്‍ദീപ് യാദവ്, ജില്ലാ ഫയര്‍ ഓഫീസര്‍ ടി അനൂപ് , എന്‍ഡിആര്‍എഫ് ഉദ്യോഗസ്ഥര്‍, തദ്ദേശ സ്വയംഭരണ സ്ഥാപന സെക്രട്ടറി,ജില്ലാ താലൂക്ക്തല ഐആര്‍എസ് അംഗങ്ങള്‍ തുടങ്ങിയവര്‍ പങ്കെടുത്തു. മോക് എക്‌സര്‍സൈസില്‍ സ്വീകരിക്കേണ്ട നടപടികള്‍ സംബന്ധിച്ച് ഡിസാസ്റ്റര്‍ അനലിസ്റ്റ് ലേഖ ചാക്കോ, ഡിഎം പ്ലാന്‍ കോര്‍ഡിനേറ്റര്‍ ആഷാ വി കെ മേനോന്‍ എന്നിവര്‍ ക്ലാസെടുത്തു.
- Log in to post comments