വില്ലേജ് ഓഫീസ് നവീകരണം; ബിഡ് ക്ഷണിച്ചു

തൃശ്ശൂര്‍ ജില്ലയിലെ വിവിധ വില്ലേജ് ഓഫീസുകളുടെ നവീകരണത്തിനായി സര്‍ക്കാര്‍ അംഗീകൃത നിര്‍വ്വഹണ ഏജന്‍സികളില്‍ നിന്നും മത്സരാടിസ്ഥാനത്തിലുള്ള ബിഡ് ക്ഷണിച്ചു. വില്ലേജ് ഓഫീസുകളായ മരത്താക്കര - 28 ലക്ഷം, വെള്ളാനിക്കര - 26.5 ലക്ഷം, കൊഴുക്കുള്ളി - 24 ലക്ഷം, കുറിച്ചിക്കര - 26 ലക്ഷം, ചിയ്യാരം - 29.5 ലക്ഷം രൂപ വീതം ഭരണാനുമതിയായി. വില്ലേജ് ഓഫീസുകളുടെ നവീകരണത്തിനായി ഭരണാനുമതി തുകയ്ക്കുവിധേയമായും സര്‍ക്കാര്‍ ഉത്തരവ് പ്രകാരം അംഗീകരിക്കപ്പെട്ടിട്ടുള്ള ഏകീകൃതപ്ലാന്‍ പ്രകാരമുള്ള സൗകര്യങ്ങള്‍ ഉറപ്പാക്കിയും പ്രൈസ് സോഫ്റ്റ്വെയറില്‍ തയ്യാറാക്കുന്ന എസ്റ്റിമേറ്റ് പ്രകാരം പ്രവൃത്തികള്‍ നടപ്പിലാക്കണം. പിഎംസി ചാര്‍ജ് നിരക്ക് ബിഡില്‍ ശതമാന നിരക്കില്‍ രേഖപ്പെടുത്തണം. സര്‍ക്കാര്‍ അംഗീകൃത നിര്‍വ്വഹണ ഏജന്‍സികള്‍ മുഖേന നടപ്പിലാക്കുന്നത് സംബന്ധിച്ച എല്ലാ സര്‍ക്കാര്‍ ഉത്തരവുകളും ഈ പ്രവൃത്തിയുടെ നടത്തിപ്പിനെ സംബന്ധിച്ച് ബാധകമായിരിക്കും. ബിഡ് സീല്‍ ചെയ്ത കവറില്‍ ഏപ്രില്‍ 15 ന് വൈകീട്ട് 5 നകം കളക്ട്രേറ്റില്‍ ലഭിക്കണം. കൂടുതല്‍ വിവരങ്ങള്‍ക്കായി ഫോണ്‍: 0487 2433454.