ന്യൂനപക്ഷ കമ്മീഷൻ സിറ്റിംഗ് ആറിന്

കേരള സംസ്ഥാന ന്യൂനപക്ഷ കമ്മീഷന്റെ മലപ്പുറം ജില്ലയിലെ സിറ്റിംഗ് മെയ് ആറിന് നടക്കും. രാവിലെ 10 മുതൽ തിരൂർ പി.ഡബ്ല്യു.ഡി റസ്റ്റ് ഹൗസ് കോൺഫറൻസ് ഹാളിൽ നടക്കുന്ന സിറ്റിംഗിൽ കമ്മീഷൻ ചെയർമാൻ അഡ്വ. എ.എ. റഷീദ് ഹരജികൾ പരിഗണിക്കും. നിലവിലുള്ള പരാതികൾ പരിഗണിക്കുന്നതോടൊപ്പം പുതിയ പരാതികൾ സ്വീകരിക്കും. സംസ്ഥാനത്തെ ന്യൂനപക്ഷങ്ങളായ മുസ്ലീം, ക്രിസ്ത്യൻ, ബുദ്ധ, സിഖ്, ജൈന, പാഴ്‌സി വിഭാഗങ്ങളിൽപ്പട്ടവർക്ക് പരാതികൾക്ക് പരിഹാരം കാണാൻ കമ്മീഷനെ സമീപിക്കാം. സിറ്റിംഗുകളിൽ പരാതികൾ കമ്മീഷന് നേരിട്ടോ, തപാലിലോ, kscminorities@gmail.com  എന്ന മെയിൽ വിലാസത്തിലോ,  9746515133 എന്ന നമ്പറിൽ വാട്ട്‌സ്ആപ്പിലോ നൽകാം.