താത്പര്യപത്രം ക്ഷണിച്ചു

മത്സ്യത്തൊഴിലാളികളുടെ മക്കൾക്ക് ഫിഷറീസ് വകുപ്പ് മുഖേന നടപ്പാക്കുന്ന പ്രത്യേക പരിശീലന പരിപാടികളായ റസിഡൻഷ്യൽ മെഡിക്കൽ എൻട്രൻസ് പരിശീലനം/ ഐ.ഐ.ടി/ എൻ.ഐ.ടി പരിശീലനം എന്നിവയിൽ 2025-26 വർഷത്തിൽ ഫിഷറീസ് വകുപ്പുമായി ചേർന്ന് പരിശീലനം നൽകുന്നതിനു താത്പര്യമുള്ള സ്ഥാപനങ്ങളിൽനിന്നും താത്പര്യപത്രം ക്ഷണിച്ചു. അതത് മേഖലകളിൽ അഞ്ചുവർഷത്തെ പ്രവൃത്തന പരിചയമുള്ള സ്ഥാപനങ്ങൾക്കാണ് താത്പര്യപത്രം സമർപ്പിക്കുന്നതിന് അർഹത. പഠന പശ്ചാത്തല സൗകര്യങ്ങൾ, താമസ സൗകര്യം, ഫീസ്, ഫാക്കൽറ്റി വിവരങ്ങൾ എന്നിവയും അവസാന മൂന്ന് വർഷത്തെ വിജയ വിവരങ്ങളും ഉൾപ്പെടുത്തിയാണ് പ്രൊപ്പോസൽ സമർപ്പിക്കേണ്ടത്. പ്രൊപ്പോസൽ സ്വീകരിക്കുന്ന അവസാന തീയതി മേയ് 30ന് വൈകിട്ട് 3 മണിവരെ. അന്നേ ദിവസം വൈകിട്ട് 3ന് ഹാജരുള്ള സ്ഥാപനങ്ങൾ/ പ്രതിനിധികളുടെ സാന്നിധ്യത്തിൽ പ്രൊപ്പോസൽ തുറന്ന് പരിശോധിക്കും. കൂടുതൽവിവരങ്ങൾക്ക് വികാസ് ഭവനിൽ പ്രവർത്തിക്കുന്ന ഫിഷറീസ് വകുപ്പ് ഡയറക്ടറുടെ ഓഫീസുമായി ബന്ധപ്പെടാം. ഫോൺ: 0471-2305042.

പി.എൻ.എക്സ് 1983/2025