*സിഎസ്ആര്‍ കോണ്‍ക്ലേവ് 'വൈഫൈ 25' ഇന്ന്*
ജില്ലയുടെ സമഗ്ര വികസനത്തിന് കൂടുതല്‍ സിഎസ്ആര്‍ ഫണ്ട് കണ്ടെത്താന്‍ സിഎസ്ആര്‍ ഏജന്‍സികള്‍, സര്‍ക്കാര്‍ വകുപ്പുകൾ, എന്‍ജിഒകള്‍, വികസന പങ്കാളികള്‍ എന്നിവരെ ഏകോപിപ്പിച്ച് വയനാട് ജില്ലാ ഭരണകൂടം സംഘടിപ്പിക്കുന്ന സിഎസ്ആര്‍ കോണ്‍ക്ലേവ് 'വൈഫൈ- 25' ഇന്ന് (മെയ്‌ 9) നടക്കും.
സുല്‍ത്താന്‍ ബത്തേരി സപ്ത റിസോര്‍ട്ടില്‍ രാവിലെ 9 മുതല്‍ വൈകിട്ട് 5 വരെയുള്ള കോണ്‍ക്ലേവിൽ പൊതുമേഖല സ്ഥാപനങ്ങള്‍ ഉള്‍പ്പടെ 62 കമ്പനികള്‍ പങ്കെടുക്കും. കേന്ദ്ര സര്‍ക്കാരിന്റെ ആസ്പിരേഷണല്‍ ജില്ല പദ്ധതിയിലുള്‍പ്പെട്ട സംസ്ഥാനത്തെ ഏക ജില്ലയായ വയനാട്ടില്‍ വിവിധ വികസന പ്രവര്‍ത്തനങ്ങള്‍ ഏറ്റെടുത്തു നടത്താന്‍ ഫണ്ട് കണ്ടെത്താന്‍ കേന്ദ്ര പൊതുമേഖല സ്ഥാപനങ്ങളെയും മറ്റു കമ്പനികളെയും ഉള്‍പ്പെടുത്തിയാണ് സിഎസ്ആര്‍ കോണ്‍ക്ലേവ് വൈഫൈ- 25 സംഘടിപ്പിക്കുന്നത്.
കോണ്‍ക്ലേവില്‍ ജില്ലാതല ഉദ്യോഗസ്ഥര്‍ പദ്ധതി നിര്‍ദ്ദേശങ്ങള്‍ അവതരിപ്പിക്കും. പദ്ധതി നടത്തിപ്പിന് തുക നല്‍കുന്നത് സിഎസ്ആര്‍ കമ്പനികളും പദ്ധതി നടപ്പാക്കുന്നത് അതത് വകുപ്പുകളുമായിരിക്കും.
- Log in to post comments