എം എസ് എം ഇ ഡേ ക്വിസ്: കണ്ണൂർ എസ്.എൻ കോളേജ് ജേതാക്കൾ

എം എസ് എം ഇ ഡേ ആഘോഷത്തിന്റെ ഭാഗമായി ജില്ലാ വ്യവസായ കേന്ദ്രം നടത്തിയ ജില്ലാതല ക്വിസ് മത്സരത്തിൽ കണ്ണൂർ എസ് എൻ കോളേജ് വിദ്യാർഥിനികളായ എം രുചിക, പി ആതിര എന്നിവർ ഒന്നാം സ്ഥാനം നേടി. ഗവ. ബ്രണ്ണൻ കോളേജ് തലശ്ശേരിയിലെ വിദ്യാർഥികളായ കെ.സി ദ്രുപത്, പൃഥ്വി പവിത്രൻ എന്നിവർ രണ്ടാം സ്ഥാനവും മാടായി കോ-ഓപ്പറേറ്റീവ് കോളേജ് വിദ്യാർഥികളായ പ്രണവ് സുരേഷ് നായർ, മണികണ്ഠൻ എന്നിവർ മൂന്നാം സ്ഥാനവും നേടി. ജില്ലയിലെ വിവിധ കോളേജുകളിൽ നിന്നായി രണ്ടുപേർ അടങ്ങുന്ന 30 ടീമുകളാണ് പങ്കെടുത്തത്. വിജയികളെ ജില്ലാ വ്യവസായ കേന്ദ്രം ജനറൽ മാനേജർ കെ എസ് അജിമോൻ അനുമോദിച്ചു. ക്വിസ് കോ-ഓര്‍ഡിനേറ്ററും ജില്ലാ വ്യവസായ കേന്ദ്രം അസിസ്റ്റന്റുമായ കെ. ശരത് ശശിധരന്‍, ജില്ലാ വ്യവസായകേന്ദ്രം മാനേജർമാരായ പി കെ ശ്രീജയ, ഇ ആർ നിധിൻ, രഞ്ജു മാണി എന്നിവർ സംസാരിച്ചു.