ലഹരിക്കെതിരെ ബോധവല്‍ക്കരണ ക്ലാസ്സ്
നശാ മുക്ത് ഭാരത് അഭിയാന്‍' ക്യാമ്പയിനിന്റെ ഭാഗമായി ലഹരിക്കെതിരെയുള്ള ബോധവല്‍ക്കരണ ക്ലാസ് ഗ്രാമപഞ്ചായത്ത് ഹാളില്‍ പ്രസിഡന്റ് പി.കെ ഷൈമ ഉദ്ഘാടനം ചെയ്തു. വൈസ് പ്രസിഡന്റ് പി പത്മനാഭന്‍ അധ്യക്ഷനായി. സൈക്യാട്രിക് സോഷ്യല്‍ വര്‍ക്കര്‍ ശ്യാമിനി ബോധവല്‍ക്കരണ ക്ലാസ്സെടുത്തു.
എല്ലാ വിഭാഗം ജനങ്ങളെയും കൂട്ടിയോജിപ്പിച്ചുകൊണ്ട് ലഹരിക്കെതിരെ പോരാട്ടം നടത്തുന്നതിന്റെ ഭാഗമായി യുവാക്കളെയും വിദ്യാര്‍ഥികളെയും പഠനത്തിലേക്കും കളിക്കളങ്ങളിലേക്കും സാംസ്‌കാരിക രംഗത്തേക്കും തിരിച്ചെത്തിക്കാനാണ് ജില്ലാ ഭരണകൂടം, സാമൂഹ്യ നീതി വകുപ്പ് എന്നിവയുടെ ആഭിമുഖ്യത്തില്‍ ക്യാമ്പയിന്‍ സംഘടിപ്പിക്കുന്നത്. ഐ.സി.ഡി.എസ് സൂപ്പര്‍വൈസര്‍ എം ലളിത, വികസനകാര്യ സ്റ്റാന്‍ഡിംഗ് കമ്മിറ്റി ചെയര്‍പേഴ്‌സണ്‍ എം വസന്ത ടീച്ചര്‍, ആരോഗ്യ വിദ്യാഭ്യസ സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍ പി.സി ശ്രീകല ടീച്ചര്‍, വാര്‍ഡ് അംഗം ലക്ഷ്മണന്‍, എം അനഘ എന്നിവര്‍ സംസാരിച്ചു.
- Log in to post comments