ചരിത്രത്തിലാദ്യമായി ദേശീയ സരസ് മേള പാലക്കാട്
ചരിത്രത്തിലാദ്യമായാണ് ഇന്ത്യയിലെ ഗ്രാമീണ സ്ത്രീ സംരംഭകരുടെ ഏറ്റവും വലിയ വ്യാപാരോത്സവമായ ദേശീയ സരസ് മേളയ്ക്ക് പാലക്കാട് ജില്ല ആതിഥേയത്വം വഹിക്കുന്നത്. ചാലിശ്ശേരിയിൽ നടക്കുന്ന മേളയിൽ കേരളം ഉള്പ്പെടെ 28 സംസ്ഥാനങ്ങളില് നിന്നും എട്ട് കേന്ദ്രഭരണ പ്രദേശങ്ങളില് നിന്നും ഉള്ള 250 പ്രദര്ശന വിപണന സ്റ്റാളുകളില് കരകൗശലവസ്തുക്കള്, ആഭരണങ്ങള്, തുണിത്തരങ്ങള്, ഗൃഹോപകരണങ്ങള്, നിത്യോപയോഗ സാധനങ്ങള് തുടങ്ങി വിവിധ ഉത്പന്നങ്ങളുടെ പ്രദര്ശനവും വില്പനയും നടക്കും.കേരളത്തിലേയും ഇതര സംസ്ഥാനങ്ങളിലെയും രുചിവൈവിധ്യം വിളമ്പുന്ന 30ലധികം സ്റ്റാളുകള് അടങ്ങുന്ന മെഗാ ഇന്ത്യന് ഫുഡ്കോര്ട്ട്, പ്രശസ്തമായ കലാകാരന്മാരും കലാകാരികളും അണിനിരക്കുന്ന സംഗീത നൃത്തനിശകള് പ്രാദേശിക കലാകാരന്മാരുടേയും കലാകാരികളുടേയും കുടുംബശ്രീ അംഗങ്ങളുടെയും വൈവിധ്യമാര്ന്ന കലാവിഷ്ക്കാരങ്ങള്, തൃത്താല മണ്ഡലത്തിലെ പ്രഗത്ഭ വ്യക്തിത്വങ്ങളെ ആദരിക്കുന്ന ആദരസന്ധ്യകള്, വിവിധ വിഷയങ്ങളില് സെമിനാറുകള്, പുഷ്പമേള, ഹാപ്പിനെസ് കോര്ണര് തുടങ്ങിയവയെല്ലാം മേളയില് ഉള്ക്കൊള്ളിച്ചിട്ടുണ്ട്.
വിവിധ ദിവസങ്ങളിലെ സാംസ്കാരിക സമ്മേളനങ്ങളില് പൊതുമരാമത്ത് ടൂറിസം വകുപ്പ് മന്ത്രി പി എ മുഹമ്മദ് റിയാസ്, റവന്യൂ വകുപ്പ് മന്ത്രി കെ രാജന്, ഫിഷറീസ് സാംസ്ക്കാരിക മന്ത്രി സജി ചെറിയാന്, ഉന്നത വിദ്യാഭ്യാസ വകുപ്പ് മന്ത്രി ആര് ബിന്ദു, വ്യവസായ കയര് നിയമ വകുപ്പ് മന്ത്രി പി രാജീവ്, കൃഷി വകുപ്പ് മന്ത്രി പി പ്രസാദ്, കായിക ന്യൂനപക്ഷ ക്ഷേമ വകുപ്പ് മന്ത്രി അബ്ദുറഹിമാന് എന്നിവര് ഉദ്ഘാടനം ചെയ്യും.
സമാപന സമ്മേളന ഉദ്ഘാടനം ജനുവരി 11 വൈകീട്ട് ആറിന്് ധനകാര്യ വകുപ്പ് മന്ത്രി കെ എന് ബാലഗോപാല് നിര്വഹിക്കും.
കെ രാധാകൃഷ്ണന് എം പി, സിനിമാതാരം മഞ്ജു വാരിയര് എന്നിവര് മുഖ്യാതിഥികളാകും. ജില്ലയിലെയും സമീപ ജില്ലയിലെയും എംഎല്എമാര് വിവിധ ദിവസങ്ങളിലായി മേളയില് പങ്കെടുക്കും.
- Log in to post comments