*ജെറിയാട്രിക് കെയർ ഡിപ്ലോമ പ്രവേശനം*

മാനന്തവാടി പി.കെ കാളൻ മെമ്മോറിയൽ കോളേജ് ഓഫ് അപ്ലൈഡ് സയൻസിൽ ജെറിയാട്രിക് കെയർ ഡിപ്ലോമ കോഴ്സ് ആരംഭിക്കുന്നു. പ്ലസ് ടു അല്ലെങ്കിൽ തതുല്യ യോഗ്യത ഉണ്ടായിരിക്കണം. ആറ് മാസമാണ് കോഴ്സ് കാലാവധി. മുതിർന്നവരുടെ പരിചരണത്തിന് ആവശ്യമായ ആശുപത്രി പരിശീലനം, വീടുകളിലെ പരിചരണം, പാലിയേറ്റീവ് സേവനങ്ങൾ എന്നിവയിൽ ആവശ്യമായ കഴിവുകൾ നേടാൻ സഹായിക്കുന്ന കോഴ്സിന് നാട്ടിലും വിദേശത്തും തൊഴിൽ സാധ്യതകളുണ്ട്. പരിശീലനം പൂർത്തിയാക്കുന്നവർക്ക് സംസ്ഥാന സർക്കാർ സ്ഥാപനമായ ഐ.എച്ച്.ആർ.ഡിയുടെ സർട്ടിഫിക്കറ്റ് ലഭിക്കും. മെയ് 18ന് ക്ലാസുകൾ ആരംഭിക്കും. നേരിട്ടും ihrdadmissions.org എന്ന വെബ്‍സൈറ്റ് വഴിയും അപേക്ഷ നൽകാം. മേയ് 4 വൈകുന്നേരം 4 വരെ ഓൺലൈനായും മേയ് 5 വൈകുന്നേരം 4 വരെ കോഴ്സ് സെന്ററുകളിൽ നേരിട്ടും അപേക്ഷ നൽകാം.