തിരുവനന്തപുരം ജില്ലയിൽ ട്രേഡ് അപ്പ്രെന്റീസ് ഒഴിവ്

തിരുവനന്തപുരം ജില്ലയിലെ ഒരു കേന്ദ്ര സർക്കാർ സ്ഥാപനത്തിൽ ട്രേഡ് അപ്പ്രെന്റീസ് ഹോർട്ടികൾച്ചർ അസിസ്റ്റന്റ് തസ്തികയിൽ ഇ ഡബ്ല്യു എസ് വിഭാഗത്തിൽ ഒരു ഒഴിവ് നിലവിലുണ്ട്. എസ്എസ്എൽസി, ഹോർട്ടികൾച്ചർ അസിസ്റ്റന്റ് ട്രേഡിൽ എൻടിസി എന്നിവയാണ് യോഗ്യത. 2022നു ശേഷം എൻടിസി പാസായവർക്കു മാത്രമാണ് അപേക്ഷിക്കാനാവുക. 2026 മെയ് 15-നു 18 നും 35 നും മധ്യേ പ്രായമുള്ളവരായിരിക്കണം അപേക്ഷകർ. പ്രതിമാസ സ്‌റ്റൈപ്പൻഡ് 10,560 രൂപ ലഭിക്കും. താൽപര്യമുള്ള ഉദ്യോഗാർത്ഥികൾ വിദ്യാഭ്യാസ യോഗ്യത, വയസ്സ് എന്നിവ തെളിയിക്കുന്ന എല്ലാ അസൽ സർട്ടിഫിക്കറ്റുകളും സഹിതം ജൂൺ 18ന് മുൻപായി അതത് എംപ്ലോയ്‌മെന്റ് എക്‌സ്‌ചേഞ്ചുകളിൽ പേര് രജിസ്റ്റർ ചെയ്യണം.

പി.എൻ.എക്‌സ്. 1821/2026