33 ദിവസം: സപ്ലൈകോ വിറ്റുവരവ് 391 കോടി രൂപ 

*സപ്ലൈകോ വില്പനശാലകളും ഫെയറുകളും ഇന്നും (ഉത്രാട ദിനം -ഓഗസ്റ്റ് 25)  തുറന്നു പ്രവർത്തിക്കും.

സപ്ലൈകോയുടെ വിറ്റുവരവ് കഴിഞ്ഞ 33 ദിവസത്തിനിടെ 391.75 കോടി രൂപ.  ഓഗസ്റ്റ് 24 ഉച്ചവരെയുള്ള കണക്കാണിത് . ഓഗസ്റ്റ് ഒന്നു മുതലുള്ള വിറ്റു വരവ് മാത്രം 320 കോടി രൂപയാണ്.

കഴിഞ്ഞവർഷം ഓണക്കാലത്ത് ഓഗസ്റ്റ് ഒന്നു മുതൽ സെപ്റ്റംബർ 4 വരെ 35 ദിവസത്തെ വിറ്റുവരവ്  385 കോടി രൂപയായിരുന്നു.  ഈ വർഷം ഓണം ഫെയറുകളിലും സപ്ലൈകോ വില്പനശാലകളിലും തിരക്ക് വർദ്ധിച്ചതോടെ  391 കോടി രൂപയുടെ  വിറ്റുവരവ്  33 ദിവസത്തിനിടെ നേടാൻ സപ്ലൈകോയ്ക്ക് കഴിഞ്ഞു. 

തിരുവനന്തപുരം, കോഴിക്കോട്, എറണാകുളം  ജില്ലകളിലെ മെഗാ ട്രേഡ് ഫെയറുകളടക്കം ജില്ലാ  ഫെയറുകളിൽ നിന്നുള്ള വിറ്റുവരവ്  നാലു കോടി 65 ലക്ഷം രൂപയാണ്. തിരുവനന്തപുരം മെഗാ ട്രേഡ് ഫെയറിൽ നിന്നുള്ള വിറ്റു വരവ് മാത്രം 81 ലക്ഷം രൂപയാണ്.

സപ്ലൈകോ വില്പനശാലകളും ഫെയറുകളും ഇന്നും (ഉത്രാട ദിനം -ഓഗസ്റ്റ് 25)  തുറന്നു പ്രവർത്തിക്കും.