സ്വാതി മോഹൻ റാത്തോഡ് സബ് കളക്ടറായി ചുമതലയേറ്റു

തിരുവനന്തപുരം സബ് കളക്ടർ & സബ് ഡിവിഷണൽ മജിസ്‌ട്രേറ്റായി സ്വാതി മോഹൻ റാത്തോഡ് ചുമതലയേറ്റു. 2024 ബാച്ച് കേരള കേഡർ ഐ.എ.എസ് ഉദ്യോഗസ്ഥയാണ് മഹാരാഷ്ട്ര സ്വദേശിനിയായ സ്വാതി മോഹൻ റാത്തോഡ്. 26 ഓഗസ്റ്റ് 2024 മുതൽ തൃശൂർ അസിസ്റ്റന്റ് കളക്ടറായി സേവനമനുഷ്ഠിച്ചു വരികയായിരുന്നു. സൊലാപ്പൂർ യൂണിവേഴ്‌സിറ്റിയിൽ നിന്ന് ജിയോഗ്രഫിയിൽ ബിരുദാനന്തര ബിരുദം നേടിയിട്ടുണ്ട്. തിരുവനന്തപുരം റവന്യൂ ഡിവിഷണൽ ഓഫീസർ ചുമതലയും സബ് കളക്ടർ വഹിക്കും.