Skip to main content

*ഭിന്നശേഷി കലാപ്രതിഭകൾക്ക് റിഥം പദ്ധതിയിൽ അപേക്ഷിക്കാം*

ഭിന്നശേഷിക്കാരായ കലാപ്രതിഭകളെ കണ്ടെത്തി പ്രോത്സാഹിപ്പിക്കുന്നതിനായി കേരള സാമൂഹ്യ സുരക്ഷാ മിഷന്റെ റിഥം പദ്ധതിയുടെ ഭാഗമായി ജില്ലാതല ആർട്ട് ട്രൂപ്പുകൾ രൂപീകരിക്കുന്നു. സംഗീതം, നൃത്തം, പെർഫോമിങ് ആർട്സ്, വാദ്യോപകരണ സംഗീതം തുടങ്ങിയ മേഖലകളിൽ കഴിവുള്ള 45 വയസ്സുവരെയുള്ള ഭിന്നശേഷിക്കാർക്ക് അപേക്ഷിക്കാം. രണ്ട് ഘട്ടങ്ങളിലായാണ് തിരഞ്ഞെടുപ്പ്. ആദ്യഘട്ടത്തിൽ അപേക്ഷയോടൊപ്പം അഞ്ചു മിനിറ്റിൽ കവിയാത്ത കലാപ്രകടനത്തിന്റെ വീഡിയോ സമർപ്പിക്കണം. ഇതിൽ നിന്ന് തിരഞ്ഞെടുക്കപ്പെടുന്നവർക്ക് വിദഗ്ധ സമിതിയുടെ നേതൃത്വത്തിൽ നേരിട്ടുള്ള സ്ക്രീനിങ്ങിൽ പങ്കെടുക്കാം. ഭിന്നശേഷി തെളിയിക്കുന്നതിനായി യു.ഡി.ഐ.ഡി അല്ലെങ്കിൽ മെഡിക്കൽ ബോർഡ് നൽകുന്ന ഭിന്നശേഷി സർട്ടിഫിക്കറ്റ് അപേക്ഷയോടൊപ്പം സമർപ്പിക്കണം. തിരഞ്ഞെടുക്കപ്പെടുന്നവർക്ക് വിവിധ സർക്കാർ പരിപാടികളിൽ കലാപരിപാടികൾ അവതരിപ്പിക്കാൻ അവസരം ലഭിക്കും. ട്രൂപ്പിന്റെ പ്രവർത്തനങ്ങളിലൂടെ ലഭിക്കുന്ന വരുമാനവും കലാപ്രതിഭകൾക്ക് ലഭ്യമാക്കും. അപേക്ഷകൾ നവംബർ ഏഴിനകം സമർപ്പിക്കണം. അപേക്ഷാഫോം www.socialsecuritymission.gov.in എന്ന വെബ്സൈറ്റിൽ ലഭിക്കും. പൂരിപ്പിച്ച അപേക്ഷയും അനുബന്ധ രേഖകളും കലാപ്രകടനത്തിന്റെ വീഡിയോയും dcwydsid@gmail.com എന്ന ഇ-മെയിൽ വിലാസത്തിൽ അയയ്ക്കാം. ജില്ലാ സാമൂഹ്യനീതി ഓഫീസിലും അപേക്ഷ സമർപ്പിക്കാം. ഫോൺ :7034029300

date