Post Category
മത്സ്യതൊഴിലാളികളുടെ മക്കള്ക്ക് എന്ട്രന്സ് പരിശീലനം
ഫിഷറീസ് വകുപ്പു മുഖേന മത്സ്യതൊഴിലാളികളുടെ മക്കള്ക്ക് റസിഡന്ഷ്യല് മെഡിക്കല് എന്ട്രന്സ് പരിശീലനം നല്കുന്നു. ഒരു വര്ഷത്തേക്കാണ് പരിശീലനം. ഹയര്സെക്കന്ററി, വൊക്കേഷണല് ഹയര്സെക്കന്ററി തലത്തില് ഫിസിക്സ്, കെമിസ്ട്രി, ബയോളജി വിഷയങ്ങള് 85 ശതമാനം മാര്ക്കോടെ വിജയിച്ചതോ മുന്വര്ഷം നടത്തിയ നീറ്റ് പരീക്ഷയില് 40 ശതമാനം മാര്ക്ക് ലഭിച്ചവരോ ആയ മത്സ്യതൊഴിലാളി ക്ഷേമനിധി ബോര്ഡില് രജിസ്റ്റര് ചെയ്തിട്ടുള്ള മത്സ്യതൊഴിലാളികളുടെ മക്കള്ക്ക് അപേക്ഷിക്കാം. ഒരു വിദ്യാര്ത്ഥിക്ക് ഒരു തവണ മാത്രമേ അപേക്ഷിക്കാനാവൂ. അപേക്ഷാ ഫോറവും വിശദ വിവരങ്ങളും ജില്ലാ ഫിഷറീസ് ഓഫീസില് ലഭിക്കും. പൂരിപ്പിച്ച അപേക്ഷകള് ജൂണ് 15നകം ജില്ലാ ഫിഷറീസ് ഓഫീസില് എത്തിക്കണമെന്ന് ഫിഷറീസ് ഡെപ്യൂട്ടി ഡയറക്ടര് അറിയിച്ചു
date
- Log in to post comments