എന്‍ട്രന്‍സ് പരിശീലന ധനസഹായത്തിന് അപേക്ഷിക്കാം
മെഡിക്കല്‍/എഞ്ചിനീയറിംഗ് എന്‍ട്രന്‍സ് പരീക്ഷാ പരിശീലന ധനസഹായത്തിന് പട്ടികജാതി വിഭാഗക്കാര്‍ക്ക് അപേക്ഷിക്കാം. 2018- 2019 വര്‍ഷത്തില്‍ പ്ലസ് ടു പാസായവരും ജില്ലയിലെ വകുപ്പ് അംഗീകൃത പരീക്ഷാ പരിശീലന സ്ഥാപനങ്ങളില്‍ നിലവില്‍ മുഴുവന്‍സമയം പരിശീലനത്തില്‍ ചേര്‍ന്നിട്ടുള്ളവര്‍ക്കാണ് അപേക്ഷിക്കിക്കാന്‍ അവസരം. അപേക്ഷകര്‍ പ്ലസ് ടൂ വില്‍ സയന്‍സ്, കണക്ക്, ഇംഗ്ലീഷ് എന്നീ വിഷയങ്ങള്‍ക്ക് കുറഞ്ഞത് ബി.പ്ലസ് ഗ്രേഡ് ലഭിച്ചിരിക്കണം. കുടുംബ വാര്‍ഷിക വരുമാനം ഒരു ലക്ഷം രൂപയില്‍ കവിയരുത്. താല്‍പര്യമുള്ളവര്‍ ജാതി, വരുമാനം, വിദ്യാഭ്യാസ യോഗ്യത, എസ്എസ്എല്‍സി, പ്ലസ് ടു മാര്‍ക്ക് ലിസ്റ്റ്, ബാങ്ക് അക്കൗണ്ട് പാസ് ബുക്ക്, ആധാര്‍, ഇപ്പോള്‍ കോച്ചിങിന് പോകുന്ന സ്ഥാപനത്തില്‍ നിന്നുള്ള സാക്ഷ്യപത്രം, ഫീസ് അടച്ച രസീത് എന്നിവയുടെ സാക്ഷ്യപ്പെടുത്തിയ പകര്‍പ്പുകള്‍ സഹിതമുള്ള അപേക്ഷ ഒക്ടോബര്‍ 31 ന് അഞ്ചിനകം ജില്ലാ പട്ടികജാതി വികസന ഓഫീസര്‍ക്ക് സമര്‍പ്പിക്കണം. വിശദവിവരങ്ങള്‍ക്കും അപേക്ഷയുടെ മാതൃകയ്ക്കും ജില്ലാ പട്ടികജാതി വികസന ഓഫീസുമായി ബന്ധപ്പെടാം. ഫോണ്‍ 0491 -2505005.
- Log in to post comments