സ്വകാര്യഭൂമിയിലെ തടി ഉൽപാദനം : ധനസഹായത്തിന് അപേക്ഷ ക്ഷണിച്ചു.

ആലപ്പുഴ: സ്വകാര്യ ഭൂമിയിലെ തടി ഉൽപാദനം വർദ്ധിപ്പിക്കുന്നതിനും തടിയിനങ്ങളിൽ സ്വയം പര്യാപ്തത കൈവരിക്കുന്നതിനും ഭൂവുടമകൾക്ക് അധിക വരുമാനം ലഭിക്കുന്നതിനും വനം വകുപ്പ് പ്രോത്സാഹന ധനസഹായം നൽകുന്നു.

തേക്ക്, ഈട്ടി ചന്ദനം, മഹാഗണി, ആഞ്ഞിലി, പ്ലാവ്,  കമ്പകം, കുമ്പിൾ, കുന്നിവാക, തേമ്പാവ് എന്നീ വൃക്ഷത്തൈകൾ നട്ടുവളർത്തുന്നത് പ്രോത്സാഹിപ്പിക്കാനാണ് പദ്ധതി ലക്ഷ്യമിടുന്നത്. 50 മുതൽ 200 വരെ തൈകൾ നട്ടുവളർത്തുന്നവർക്ക് തൈ ഒന്നിന് 50 രൂപ നിരക്കിലും 201 മുതൽ 400 വരെ തൈ ഒന്നിന് 40 രൂപ നിരക്കിലും 401 മുതൽ 625 വരെ തൈ ഒന്നിന് 30 രൂപ നിരക്കിലും  ധനസഹായം ലഭിക്കും.

കൂടുതൽ വിവരങ്ങളും അപേക്ഷാഫോറവും ആലപ്പുഴ കൊമ്മാടിയിലുള്ള സാമൂഹിക വനവൽക്കരണ ഓഫീസിൽ നിന്നോ വനം വകുപ്പിന്റെ www.forest.kerala.gov.in എന്ന വെബ്സൈറ്റിൽ നിന്നോ ലഭിക്കും.പൂരിപ്പിച്ച അപേക്ഷ സ്ഥലത്തിന്റെ കരം അടച്ച രസീതിന്റെയും  തിരിച്ചറിയൽ രേഖയുടെയും സ്ഥലത്തിന്റെ കൈവശാവകാശം/ഉടമസ്ഥാവകാശം തെളിയിക്കുന്ന സർട്ടിഫിക്കറ്റിന്റെയും പകർപ്പുകൾ, സ്ഥലത്തേക്ക് എത്തിച്ചേരാനുള്ള വഴിയുടെ സ്‌കെച്ച് എന്നിവ സഹിതം നവംബർ 30 നകം ആലപ്പുഴ   കൊമ്മാടിയിലുള്ള സാമൂഹിക വനവൽക്കരണ വിഭാഗം ഓഫീസിൽ നൽകണം. കൂടുതൽ വിവരങ്ങൾക്ക് ബന്ധപ്പെടേണ്ട ഫോൺ നമ്പർ:0477-2246034.