ലൈഫ് മിഷൻ കുടുംബ സംഗമം: അവലോകന യോഗം

ചെങ്ങന്നൂർ :ചെങ്ങന്നൂർ ബ്ലോക്ക്‌ പരിധിയിൽ വരുന്ന ലൈഫ് ഗുണഭോക്താക്കളുടെ കുടുംബ സംഗമത്തിന് മുന്നോടിയായി അവലോകന യോഗം ചേർന്നു. ജനുവരി 10 നു നടക്കുന്ന കുടുംബ സംഗമത്തിൽ വിവിധ വകുപ്പുകൾ നൽകുന്ന സേവനങ്ങളും, മുന്നൊരുക്കങ്ങളും യോഗത്തിൽ വിലയിരുത്തി. പുലിയൂർ സെന്റ്. തോമസ് മാർത്തോമ പള്ളി ഹാളിൽ നടക്കുന്ന സംഗമത്തിൽ ആയിരത്തോളംപേർ പങ്കെടുക്കും. ലൈഫ് പദ്ധതി പ്രകാരം ബ്ലോക്കിൽ 601വീടുകൾ പൂർത്തിയാക്കി. കൃഷി, ആരോഗ്യം, ഗ്രാമ വികസനം, പട്ടിക ജാതി പട്ടിക വർഗ വകുപ്പ്, ശുചിത്വ മിഷൻ തുടങ്ങി പതിനാറോളം വകുപ്പുകളുടെ സേവനം സംഗമത്തിൽ ലഭ്യമാകും. അപേക്ഷകൾ സ്വീകരിക്കുന്നതിനൊപ്പം തന്നെ തുടര്‍ നടപടികളും ഉണ്ടാകും. യോഗത്തിൽ ചെങ്ങന്നൂർ ബ്ലോക്ക്‌ പഞ്ചായത്ത്‌ പ്രസിഡന്റ്‌ അജിത കുമാരി അധ്യക്ഷത വഹിച്ചു. ബ്ലോക്ക്‌ ഡെവലപ്പ്മെന്റ് ഓഫീസർ സുലജ ആർ, വൈസ് പ്രസിഡന്റ്‌ ജി. വിവേക്. എ. ഡി. പി എസ്. ശ്രീകുമാർ, വിവിധ വകുപ്പ് പ്രതിനിധികൾ തുടങ്ങിയവർ യോഗത്തിൽ പങ്കെടുത്തു.