സംസ്ഥാന സര്‍ക്കാര്‍ കായിക വിദ്യാര്‍ഥികളെ തിരഞ്ഞെടുക്കുന്നു

കൊച്ചി: തിരുവനന്തപുരം ജി.വി രാജാ സ്‌പോര്‍ട്‌സ് സ്‌കൂളിലും, കണ്ണൂര്‍ സ്‌പോര്‍ട്‌സ് ഡിവിഷനിലും 2020-21 അദ്ധ്യയന വര്‍ഷത്തിലേക്ക് ആറ്, ഏഴ്, എട്ട്, ഒമ്പത്, പ്ലസ് വണ്‍/വിച്ച്എസ്സി എന്നീ ക്ലാസുകളിലേക്ക് അഡ്മിഷന്‍ നല്‍കുന്നതിന് അത്‌ലറ്റിക്‌സ്, ബാസ്‌ക്കറ്റ്‌ബോള്‍, ഫുട്‌ബോള്‍, വോളിബോള്‍, തായ്‌ക്കോണ്ടോ, റസ്‌ലിംഗ്, ഹോക്കി, വെയ്റ്റ് ലിഫ്റ്റിംഗ്, ബോക്‌സിംഗ്, ജൂഡോ, ക്രിക്കറ്റ് (പെണ്‍കുട്ടികള്‍) എന്നീ കായികയിനങ്ങളില്‍ താത്പര്യമുളള കുട്ടികളെ തെരഞ്ഞെടുക്കുന്നതിന് സംസ്ഥാന കായിക യുവജന കാര്യാലയം വിവിധ കേന്ദ്രങ്ങളില്‍ ടാലന്റ ഹണ്ട് എന്ന പേരില്‍ സെലക്ഷന്‍ ട്രയല്‍ സംഘടിപ്പിക്കുന്നു. പ്രവേശനം ആഗ്രഹിക്കുന്ന കുട്ടികള്‍ ജനനതീയതി തെളിയിക്കുന്ന ഏതെങ്കിലും രേഖയും, ജില്ലാ സംസ്ഥാന ദേശീയ കായിക മത്സരങ്ങളില്‍ പങ്കെടുത്തിട്ടുണ്ടെങ്കില്‍ അതിന്റെ സര്‍ട്ടിഫിക്കറ്റുകളും ഫോട്ടോയുമായി ജനുവരി 20-ന് തൃപ്പൂണിത്തുറ ഗവ:ബോയ്‌സ് എച്ച്.എസ്.എസ് ആന്റ് വി.എച്ച്.എസ്.എസ്, മട്ടാഞ്ചേരി സരസ്വതി വിദ്യാമന്ദിര്‍, കീഴ്മാട് മോഡല്‍ റസിഡന്‍ഷ്യല്‍ സ്‌കൂള്‍ എന്നീ കേന്ദ്രങ്ങളില്‍ രാവിലെ എട്ടിനു മുമ്പായി നേരിട്ട് എത്തണം. ടാലന്റ ഹണ്ട് സെലക്ഷന്‍ ട്രയല്‍സില്‍ പങ്കെടുക്കാന്‍ താത്പര്യമുളള  വിദ്യാര്‍ഥികള്‍ക്ക് http://gvrsportsschool.org/talenthunt  ലിങ്കില്‍ ഓണ്‍ലൈനായി മുന്‍കൂട്ടി രജിസ്റ്റര്‍ ചെയ്യണം. കൂടുതല്‍ വിവരങ്ങള്‍ക്ക് 9961631638.