വിയ്യൂർ സെൻട്രൽ ജയിൽ : പെട്രോൾ പമ്പ് ശിലാസ്ഥാപനം ഇന്ന് (ജനുവരി 18)

വിയ്യൂർ സെൻട്രൽ ജയിൽ ആൻഡ് കറക്ഷണൽ ഹോമിനോട് അനുബന്ധിച്ച് നിർമ്മിക്കുന്ന പെട്രോൾ പമ്പിന്റെ നിർമാണ പ്രവൃത്തികളുടെ ശിലാസ്ഥാപന കർമ്മവും, ജൈവ പച്ചക്കറി തോട്ടത്തിന്റെ ഉദ്ഘാടനവും ഇന്ന് (ജനുവരി 18) ഉച്ചക്ക് 12 മണിക്ക് കൃഷി വകുപ്പ് മന്ത്രി അഡ്വ വി എസ് സുനിൽകുമാർ നിർവ്വഹിക്കും. കോർപ്പറേഷൻ മേയർ അജിത വിജയൻ അധ്യക്ഷത വഹിക്കും. ടി എൻ പ്രതാപൻ എം പി, ജില്ലാ കളക്ടർ എസ് ഷാനവാസ്, എന്നിവർ മുഖ്യാതിഥികളാകും. പ്രിസൺസ് ആൻഡ് കറക്ഷണൽ സർവീസസ് ഡയറക്ടർ ജനറൽ ഋഷിരാജ് സിംഗ് സ്വാഗതവും വിയ്യൂർ സെൻട്രൽ ജയിൽ സൂപ്രണ്ട് എൻ എസ് നിർമലനന്ദൻ നായർ നന്ദിയും പറയും.
ചാലക്കുടി മത്സ്യഭവൻ ഉദ്ഘാടനം 20 ന്
ചാലക്കുടി മത്സ്യഭവന്റെ ഉദ്ഘാടനം ജനുവരി 20 ന് ഫിഷറീഷ് വകുപ്പ് മന്ത്രി ജെ മേഴ്‌സികുട്ടിയമ്മ നിർവഹിക്കും. സംസ്ഥാന തല മികച്ച മത്സ്യ കർഷകർക്കുള്ള അവാർഡ് വിതരണവും മത്സ്യ കർഷക സംഗമവും ചടങ്ങിൽ നടക്കും. ചാലക്കുടി ഗോപാലകൃഷ്ണ ഓഡിറ്റോറിയത്തിൽ നടക്കുന്ന പരിപാടിയിൽ ബി ഡി ദേവസ്സി എം എൽ എ അധ്യക്ഷത വഹിക്കും. ബെന്നി ബെഹന്നാൻ എം പി, ജില്ലാ പഞ്ചായത്ത് പ്രസിഡന്റ് മേരി തോമസ്, മുനിസിപ്പാലിറ്റി ചെയർപേഴ്സൺ ജയന്തി പ്രവീൺകുമാർ, ബ്ലോക്ക് പഞ്ചായത്ത് പ്രസിഡന്റ് കെ കെ ഷീജു തുടങ്ങിയവർ മുഖ്യാതിഥികളാകും. ജനകീയ മത്സ്യ കൃഷി സ്പെഷ്യൽ ഓഫീസർ ഇഗ്‌നേഷ്യസ് മൺഡ്രോ റിപ്പോർട്ട് അവതരിപ്പിക്കും.