മാധ്യമ അവാര്‍ഡുകള്‍ക്ക് അപേക്ഷിക്കാം
സംസ്ഥാന വനിതാ കമ്മീഷന്റെ മീഡിയ മോണിറ്ററിംഗ് സെല്‍ പ്രവര്‍ത്തനങ്ങളുടെ ഭാഗമായി സ്ത്രീ ശാക്തീകരണം/സ്ത്രീകളുടെ പ്രശ്‌നങ്ങള്‍/സ്ത്രീകളുടെ നേട്ടങ്ങള്‍ എന്നീ മേഖലകളില്‍ മികച്ച വാര്‍ത്തകള്‍ റിപ്പോര്‍ട്ട് ചെയ്ത മാധ്യമ പ്രവര്‍ത്തകര്‍ക്ക് അവാര്‍ഡുകള്‍ നല്‍കുന്നു.
ഇംഗ്ലീഷ്, മലയാളം അച്ചടി-ദ്യശ്യ വിഭാഗങ്ങളില്‍ പ്രസിദ്ധീകരിച്ചതും സംപ്രേക്ഷണം ചെയ്തതുമായ വാര്‍ത്തകള്‍ അവാര്‍ഡിനായി അയക്കാം. അച്ചടി (മലയാളം, ഇംഗ്ലീഷ്), ദ്യശ്യമാധ്യമം(മലയാളം, ഇംഗ്ലീഷ്) എന്നിങ്ങനെ നാല് വിഭാഗങ്ങളിലായാണ് അവാര്‍ഡുകള്‍.
2019 ജനുവരി മുതല്‍ 2019 ഡിസംബര്‍ വരെ പ്രസിദ്ധീകരിച്ചതും സംപ്രേക്ഷണം ചെയ്തതുമായ സ്ത്രീ ശാക്തീകരണം/സ്ത്രീകളുടെ പ്രശ്‌നങ്ങള്‍/സ്ത്രീകളുടെ നേട്ടങ്ങള്‍ എന്നിവ സംബന്ധിച്ച വാര്‍ത്തകള്‍ അവാര്‍ഡിന് പരിഗണിക്കും. വാര്‍ത്ത പ്രസിദ്ധീകരിച്ചതിന്റെ അസലും സാക്ഷ്യപ്പെടുത്തിയ മൂന്ന് കോപ്പിയും അയക്കണം. ദ്യശ്യ മാധ്യമ വിഭാഗത്തില്‍ അപേക്ഷിക്കുന്നവര്‍ വാര്‍ത്തയുടെ വീഡിയോ/സി ഡി/പെന്‍ഡ്രൈവ് എന്നിവ അയക്കണം.
വാര്‍ത്തയുടെ പകര്‍പ്പിനോടൊപ്പം എഡിറ്റര്‍/എക്‌സിക്യൂട്ടീവ് എഡിറ്ററുടെ സാക്ഷ്യപത്രം, പേര്, വിലാസം, തസ്തിക, ഫോണ്‍ നമ്പര്‍, മെയില്‍ ഐ ഡി എന്നീ വിവരങ്ങള്‍ അടങ്ങിയ ബയോഡേറ്റ സഹിതം മെമ്പര്‍ സെക്രട്ടറി, കേരള വനിതാ കമ്മീഷന്‍, പട്ടം പി.ഒ, തിരുവനന്തപുരം- 695 004 എന്ന വിലാസത്തില്‍ ഫെബ്രുവരി 25 നകം സമര്‍പ്പിക്കണം. കവറിന് പുറത്ത് ഏത് വിഭാഗമെന്ന് (അച്ചടി/ദ്യശ്യം, ഇംഗ്ലീഷ്/മലയാളം) രേഖപ്പെടുത്തിയിരിക്കണം. ഓരോ വിഭാഗത്തിലും 25,000 രൂപ വീതവും ഫലകവും സര്‍ട്ടിഫിക്കറ്റുമാണ് അവാര്‍ഡ്.
- Log in to post comments