മാര്‍ച്ച് മാസത്തിലെ റേഷന്‍ സാധനങ്ങളുടെ വിതരണത്തോത്

എ എ വൈ വിഭാഗത്തില്‍പ്പെട്ടവര്‍ക്ക് കാര്‍ഡിന് 30 കി ഗ്രാം അരിയും അഞ്ച് കി ഗ്രാം ഗോതമ്പും സൗജന്യമായും ഒരു കിലോ പഞ്ചസാര 21 രൂപയ്ക്കും ലഭിക്കും.
മുന്‍ഗണനാ വിഭാഗത്തില്‍പ്പെട്ട കാര്‍ഡുകളിലെ ഓരോ അംഗത്തിനും നാല് കി ഗ്രാം അരിയും ഒരു കി ഗ്രാം ഗോതമ്പും കി ഗ്രാമിന് രണ്ട് രൂപ നിരക്കില്‍ ലഭിക്കും.      
പൊതുവിഭാഗം സബ്‌സിഡി വിഭാഗത്തില്‍പ്പെട്ട കാര്‍ഡിലെ ഓരോ അംഗത്തിനും രണ്ട് കിലോ അരി വീതം കിലോയ്ക്ക് നാല് രൂപാ നിരക്കിലും  കാര്‍ഡിന് ഒരു കിലോ മുതല്‍ രണ്ട് കിലോ വരെ ആട്ട ലഭ്യതയ്ക്കനുസരിച്ച്  കിലോയ്ക്ക് 17 രൂപാ നിരക്കിലും ലഭിക്കും.
പൊതുവിഭാഗം നോണ്‍ സബ്‌സിഡി വിഭാഗത്തില്‍പ്പെട്ട കാര്‍ഡിന് രണ്ട് കിലോ അരി കിലോയ്ക്ക് 10.90 രൂപാ നിരക്കിലും ലഭ്യതയ്ക്കനുസരിച്ച് കാര്‍ഡിന് ഒരു കിലോ മുതല്‍ രണ്ട് കിലോ വരെ ആട്ട കിലോയ്ക്ക് 17 രൂപ നിരക്കിലും ലഭിക്കും.
എന്‍ പി എസ്, എന്‍ പി എന്‍ എസ് വിഭാഗങ്ങള്‍ക്കൊഴികെ വൈദ്യുതീകരിച്ച വീടുളളവര്‍ക്ക് ഓരോ കാര്‍ഡിനും അര ലിറ്റര്‍ വീതവും  വൈദ്യുതീകരിക്കാത്ത വീടുളള കാര്‍ഡുടമകള്‍ക്ക് ഓരോ കാര്‍ഡിനും നാല് ലിറ്റര്‍ വീതവും  മണ്ണെണ്ണ ലിറ്ററിന് 40 രൂപാ നിരക്കില്‍  ലഭിക്കും.
ഇന്റര്‍‌സ്റ്റേറ്റ് പോര്‍ട്ടബിലിറ്റി നടപ്പാക്കിയതിന്റെ ഭാഗമായി ആന്ധ്ര പ്രദേശ്, തെലങ്കാന, മഹാരാഷ്ട്ര, ഗുജറാത്ത്, രാജസ്ഥാന്‍, കര്‍ണാടക, ത്രിപുര, ഗോവ, ജാര്‍ഖണ്ഡ്, മദ്ധ്യപ്രദേശ് എന്നീ സംസ്ഥാനങ്ങളില്‍ രജിസ്റ്റര്‍ ചെയ്ത എ എ വൈ, പി എച്ച് എച്ച് വിഭാഗത്തില്‍പ്പെട്ട റേഷന്‍ കാര്‍ഡംഗങ്ങള്‍ക്കും കേരളത്തിലെ റേഷന്‍ കടകളില്‍ നിന്നും അരിയും ഗോതമ്പും വാങ്ങാവുന്നതാണ്.  
        റേഷന്‍ വിതരണം സംബന്ധമായ പരാതികള്‍ താലൂക്ക് സപ്ലൈ ഓഫീസ്, തളിപ്പറമ്പ് -  0460 2203128, തലശ്ശേരി -  0490 2343714, കണ്ണൂര്‍   -  0497 2700091, ഇരിട്ടി -  0490 2494930, ജില്ലാ സപ്ലൈ ഓഫീസ്, കണ്ണൂര്‍ - 0497 2700552, ടോള്‍ഫ്രീ നമ്പര്‍ -  1800-425-1550, 1947 എന്നീ നമ്പരുകളില്‍ അറിയിക്കേണ്ടതാണ്.