സ്വാമി വിവേകാന്ദന്‍ യുവ പ്രതിഭ പുരസ്‌കാരത്തിനും യുവജന ക്ലബ്ബുകള്‍ക്കുള്ള അവാര്‍ഡിനും അപേക്ഷിക്കാം

സംസ്ഥാന യുജനക്ഷേമ ബോര്‍ഡ് 2019 ലെ  സ്വാമി വിവേകാന്ദന്‍ യുവ പ്രതിഭ പുരസ്‌കാരത്തിനും മികച്ച യുവജന ക്ലബ്ബുകള്‍ക്കുള്ള അവാര്‍ഡിനും നിശ്ചിത ഫോറത്തില്‍ അപേക്ഷ ക്ഷണിച്ചു.18 നും 40 നും മധ്യേ പ്രായമുള്ള യുവജനങ്ങള്‍ക്കും ട്രാന്‍സ് ജെന്റേഴ്സിനും അവാര്‍ഡിന് അപേക്ഷിക്കാം. സാമുഹ്യ പ്രവര്‍ത്തനം, മാധ്യമ പ്രവര്‍ത്തനം - പ്രിന്റ് മീഡിയ,  മാധ്യമ പ്രവര്‍ത്തനം -ദൃശ്യമാധ്യമം , കലാ സാഹിത്യം, ഫൈന്‍ ആര്‍ട്സ് -കായികം, ശാസ്ത്രം , സംരംഭകത്വം , കൃഷി എന്നീ മേഖലകളിലെ മികച്ച പ്രവര്‍ത്തനം നടത്തിയ ഓരോ വ്യക്തിക്കു വീതം ആകെ 11 പേര്‍ക്കാണ് അവാര്‍ഡ് നല്‍കുന്നത് . അവാര്‍ഡിനായി സ്വയം അപേക്ഷ സമര്‍പ്പിക്കുകയോ മറ്റൊരു വ്യക്തിയെ നാമനിര്‍ദ്ദേശം ചെയ്യുകയോ ചെയ്യാം . വിദഗ്ദ്ധരുള്‍പ്പെടുന്ന ജൂറി, അപേക്ഷകരുടെ പ്രവര്‍ത്തനങ്ങളെ വിലയിരുത്തിയാണ് ജേതാക്കളെ തെരെഞ്ഞെടുക്കുന്നത് . അവാര്‍ഡിന് അര്‍ഹരാകുന്നവര്‍ക്ക് 50,000 രൂപയും പ്രശസ്തി പത്രവും പുരസ്‌കാരവും നല്‍കുന്നു.

         കൂടാതെ കേരള സംസ്ഥാന യുജനക്ഷേമ ബോര്‍ഡില്‍ അഫിലിയേറ്റ് ചെയ്തിട്ടുള്ള യൂത്ത് ക്ലബ്ബുകളില്‍ മികച്ച ക്ലബ്ബിനുള്ള അവാര്‍ഡിനായും അപേക്ഷ ക്ഷണിച്ചു.  ജില്ലാ തലത്തില്‍ തെരെഞ്ഞെടുക്കുന്ന മികച്ച ക്ലബ്ബിന് 30000 രൂപയും പ്രശസ്തി പത്രവും പുരസ്‌കാരവും നല്‍കും. ജില്ലാ തലത്തില്‍ നിന്നും തെരെഞ്ഞെടുക്കുന്ന ക്ലബ്ബുകളില്‍നിന്നും  സംസ്ഥാന തലത്തില്‍ തെരെഞ്ഞെടുക്കുന്ന ക്ലബ്ബിന് 50000 രൂപയും പ്രശസ്തി പത്രവും പുരസ്‌കാരവും നല്‍കും.  മാര്‍ച്ച് 31 ന് മുമ്പായി കേരള സംസ്ഥാന യുജനക്ഷേമ ബോര്‍ഡിന്റെ  ജില്ലാ ഓഫിസുകളില്‍ ലഭിക്കണം. വിലാസം. (ഇടുക്കി ജില്ലാ യൂത്ത് പ്രോഗ്രാം ഓഫീസര്‍, ജില്ലാ യുവജന കേന്ദ്രം ,പുളിമൂട്ടില്‍ ഷോപ്പിംഗ് ആര്‍ക്കേഡ് രണ്ടാം നില , മുവാറ്റുപുഴ റോഡ് തൊടുപുഴ ) അപേക്ഷ ഫോറം  ജില്ലാ യുവജന കേന്ദ്രങ്ങളിലും കേരള സംസ്ഥാന യുജനക്ഷേമ ബോര്‍ഡിന്റെ വെബ് സൈറ്റിലും ലഭിക്കും. .  (www.ksywb.kerala.gov.in)   ഫോണ്‍ നമ്പര്‍ 04862-228936 , 9447408609