കുമളി അതിര്‍ത്തി വഴി ഇന്നലെ (11/5/20) എത്തിയത് 410പേര്‍

സംസ്ഥാന സര്‍ക്കാര്‍ നല്‍കിയ ഓണ്‍ലൈന്‍ പാസ് മുഖേന കുമളി ചെക്ക് പോസ്റ്റു വഴി ഇതര സംസ്ഥാനങ്ങളില്‍ നിന്നും ഇന്നലെ  (11/5/20)  കേരളത്തിലെത്തിയത് 410 പേര്‍. 218 പുരുഷന്‍മാരും 150 സ്ത്രീകളും 42 കുട്ടികളുമാണ്  നാട്ടിലെത്തിച്ചേര്‍ന്നത്. തമിഴ്‌നാട് - 301, മഹാരാഷ്ട്ര - 4, കര്‍ണ്ണാടകം - 93, തെലുങ്കാന - 10, ആന്ധ്രപ്രദേശ് - 1, ബീഹാര്‍ -1, എന്നിങ്ങനെയാണ് എത്തിച്ചേര്‍ന്നവരുടെ എണ്ണം. ഇതില്‍ 160 പേര്‍ ഇടുക്കി ജില്ലയിലേയ്ക്ക്  ഉള്ളവരാണ്. റെഡ് സോണുകളില്‍ നിന്നെത്തിയ 72 പേരെ അതത് ജില്ലകളില്‍ ക്രമീകരിച്ചിട്ടുള്ള നിരീക്ഷണ കേന്ദ്രങ്ങളിലേയ്ക്കാണ് അയച്ചത്. ബാക്കിയുള്ള 338 പേരെ കര്‍ശന ഉപാധികളോടെ ഹോം ക്വാറന്റെയിന്‍ നിര്‍ദേശിച്ച് വീടുകളിലേയ്ക്ക് അയച്ചു.