കോവിഡ് മോണിറ്ററിങ് യോഗം

പ്രവാസികളുടെ തിരിച്ചുവരവുമായി ബന്ധപ്പെട്ട് സർക്കാർ നിർദ്ദേശ പ്രകാരം കടങ്ങോട് ഗ്രാമപഞ്ചായത്ത് വെള്ളത്തേരിയിൽ പത്താം വാർഡ്തല മോണിറ്ററിങ് സമിതി യോഗം ചേർന്നു. വാർഡിൽ ഇതര സംസ്ഥാനത്ത് നിന്ന് എത്തിയ രണ്ടുപേർ വീടുകളിൽ നിരീക്ഷണത്തിലുണ്ടെന്ന് അറിയിച്ചു. പ്രവാസികൾ വരുന്ന മുറയ്ക്ക് കൃത്യമായ നിരീക്ഷണം നടത്തുന്നതിനും അവർക്ക് വേണ്ട സഹായങ്ങൾ നൽകുന്നതിനും യോഗം തീരുമാനിച്ചു. വാർഡ് മെമ്പറും ഗ്രാമ പഞ്ചായത്ത് ആരോഗ്യ സ്റ്റാൻഡിങ് കമ്മിറ്റി ചെയർമാനുമായ ജലീൽ ആദൂരിന്റ അധ്യക്ഷതയിൽ ചേർന്ന യോഗത്തിൽ ജൂനിയർ ഹെൽത്ത് ഇൻസ്പെക്ടർ ശശികുമാർ, ഹെൽത്ത് നഴ്സ് ധന്യ, എസ് സി പ്രമോട്ടർ സുഗിത അനിൽകുമാർ, ആശാ വർക്കർമാരായ ദീപ രാമചന്ദ്രൻ, ബേബി സദാനന്ദൻ, അങ്കണവാടി ടീച്ചർമാരായ ബിന്ദു, മാലിനി തുടങ്ങിയവർ പങ്കെടുത്തു.