ഇന്ന് 10 കേസുകൾ രജിസ്റ്റർ ചെയ്തു

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (ജൂൺ 18)  വൈകിട്ട് 7.30 വരെ ജില്ലയിൽ പോലീസ് നടത്തിയ പരിശോധനയിൽ 10 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. ഒൻപത് പേരെ അറസ്റ്റ് ചെയ്തു.    കണ്ടേയ്‌ൻമെന്റ്  സോണുകളിൽ നിശ്ചിത സമയപരിധി, സാമൂഹിക അകലം എന്നിവ പാലിക്കാതെയും മുഖാവരണം ധരിക്കാതെയും കടകൾ പ്രവർത്തിച്ചതിനാണ് കേസ് രജിസ്റ്റർ ചെയ്തത്. 

 മാസ്ക് ധരിക്കാത്ത 109 പേർക്കെതിരെ കേസ് 

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 109 പേർക്കെതിരെ പോലീസ് കേസെടുത്തു.  മാസ്ക് ധരിക്കേണ്ടതിന്റെ   ആവശ്യകത പറഞ്ഞതിനു ശേഷം കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചു