Post Category
കോവിഡ് 19: ജില്ലയില് 154 പേര് ചികിത്സയില്
കോവിഡ് 19 മായി ബന്ധപ്പെട്ട് ജില്ലയില് നിലവില് 154 പേരാണ് ചികിത്സയിലുള്ളത്. ഇന്ന് (ജൂണ് 22) ജില്ലയില് 16 പേര്ക്കാണ് കോവിഡ് 19 സ്ഥിരീകരിച്ചത്. ഇന്ന് 18 പേരെ ആശുപത്രിയില് പ്രവേശിപ്പിക്കുകയും ചെയ്തു.
ഇതുവരെ 15871 സാമ്പിളുകള് പരിശോധനയ്ക്കായി അയച്ചതില് 15180 പരിശോധനാ ഫലങ്ങളാണ് ലഭ്യമായത്. 368 പേർക്കാണ് ഇതുവരെ പരിശോധനാഫലം പോസിറ്റീവായത്. ഇന്ന് 182 പരിശോധനാ ഫലങ്ങളാണ് ലഭിച്ചത്. പുതുതായി 174 സാമ്പിളുകളും അയച്ചു. ഇനി 691 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്.
ഇതുവരെ 54252 പേരാണ് നിരീക്ഷണ കാലാവധി പൂര്ത്തിയാക്കിയത്. ഇതില് ഇന്ന് മാത്രം 1010 പേര് ക്വാറന്റൈന് പൂര്ത്തിയാക്കി. നിലവില് 9232 പേർ ജില്ലയില് വീട്ടില് നിരീക്ഷണത്തില് തുടരുന്നു.
24*7 കോള് സെന്റര് നമ്പര് 0491 2505264, 2505189, 2505847
date
- Log in to post comments