സെഞ്ച്വറി ആശുപത്രി കോവി ഡ് ആശുപത്രിയാക്കും

ചെങ്ങന്നൂർ മുളക്കുഴ സെഞ്ച്വറി ആശുപത്രി കോവി ഡ് ആശുപത്രിയാക്കി മാറ്റാനുളള നടപടികളും യുദ്ധകാലാടിസ്ഥാനത്തിൽ പുരോഗമിക്കുകയാണ്.. ഏകദേശം 300 കിടക്കകൾ ഇവിടെ സജ്ജമാക്കിയിട്ടുണ്ട്. വെന്റിലേറ്റർ, ഐസിയു യൂണിറ്റ്, ഡയാലിസിസ് സൗകര്യം എന്നിവയും ഇവിടെ  ലഭ്യമാണ്. സെൻട്രലൈസ്ഡ് ഓക്സിജൻ സിസ്റ്റം, പീഡിയാട്രിക് ഐസിയു , സ്കാനിംഗ് സൗകര്യങ്ങൾ എന്നിവയുള്ള ഈ ആശുപത്രി ജില്ലയിലെ കോവി ഡ് രോഗ ചികിത്സക്ക് സൗകര്യമൊരുക്കും. ലേബർ റൂം ഉൾപ്പെടെയുള്ള സജ്ജീകരണങ്ങൾ ഇവിടെയുണ്ട്. ജില്ലാ കളകറുടെ നിർദേശ പ്രകാരം,   ജില്ലാ മെഡിക്കൽ ഓഫീസർ എൽ അനിതകുമാരിയുടെയും നാഷണൽ ഹെൽത്ത് മിഷൻ ഡി പി എം ഡോ. രാധാകൃഷണന്റെയും നേതൃത്വത്തിൽ കോവി ഡ് ആശുപത്രി സജ്ജമാക്കാനുള്ള പ്രവർത്തനങ്ങൾ രാപകൽ തുടരുകയാണ്.

 മാവേലിക്കര ഗവ. ആശുപത്രി കോവി ഡ് ആശുപത്രിയാക്കാനുള്ള നടപടികളും പുരോഗമിക്കുന്നു. ബുധനാഴ്ചക്കകം മവേലിക്കര ആശുപത്രി കോവി ഡ്  ആശുപത്രിയാക്കുന്നതിനുള്ള സജ്ജീകരണങ്ങൾ പൂർത്തിയാക്കും.