ഐ.എച്ച്.ആര്‍.ഡി എഞ്ചിനീയറിങ് കോളേജുകളില്‍ എം.ടെക് പ്രവേശനത്തിന് അപേക്ഷിക്കാം

ഐ.എച്ച്.ആര്‍.ഡി. യുടെ കീഴില്‍ പ്രവര്‍ത്തിക്കുന്ന മോഡല്‍ എഞ്ചിനീയറിങ്് കോളേജ് എറണാകുളം, ചെങ്ങന്നൂര്‍, കരുനാഗപ്പള്ളി, ചേര്‍ത്തല, കല്ലൂപ്പാറ എന്നീ എഞ്ചിനീയറിങ് കോളേജുകളില്‍ എം. ടെക്  കോഴ്സുകളിലെ സ്പോണ്‍സേഡ് സീറ്റിലെ പ്രവേശനത്തിന് അപേക്ഷ ക്ഷണിച്ചു. അപേക്ഷ www.ihrd.kerala.gov.in/mtech ലൂടെ അല്ലെങ്കില്‍ അതത് കോളേജുകളുടെ വെബ്സൈറ്റ് വഴി ഓണ്‍ലൈനായി ഓഗസ്റ്റ് 21 ന് വൈകിട്ട് നാല്  വരെ സമര്‍പ്പിക്കാം. ഓരോ കോളേജിലെയും പ്രവേശനത്തിന് പ്രത്യേകം അപേക്ഷകള്‍ സമര്‍പ്പിക്കണം. ഓണ്‍ലൈനായി സമര്‍പ്പിച്ച അപേക്ഷയുടെ കോപ്പി, നിര്‍ദ്ദിഷ്ട അനുബന്ധങ്ങള്‍, 600  (എസ്. സി/എസ്.റ്റി.ക്ക് 300/) രൂപയുടെ രജിസ്ട്രേഷന്‍ ഫീസ് ഓണ്‍ലൈനായി അടച്ചത് എന്നിവ ഓഗസ്റ്റ് 21 ന് വൈകീട്ട് നാലിന് മുമ്പ് പ്രവേശനം ആഗ്രഹിക്കുന്ന കോളെജില്‍ ലഭിക്കണം. കൂടുതല്‍ വിവരങ്ങള്‍ www.ihrd.ac.in ല്‍ ലഭിക്കും. ഫോണ്‍ - 0471 2322985, 04712322501.