അമ്പലപ്പുഴ പരാതി പരിഹാര അദാലത്ത് സെപ്റ്റംബർ ഏഴിന്

ആലപ്പുഴ: അമ്പലപ്പുഴ താലൂക്കിലെ ജില്ല കളക്ടറുടെ പൊതുജന പരാതി പരിഹാര അദാലത്ത് സെപ്റ്റംബർ ഏഴിന് ഓൺലൈനായി (ഇ-തപാൽ) വീഡിയോ കോൺഫ്രൻസ് വഴി നടക്കും. എൽ.ആർ.എം കേസുകൾ, ഭൂമിയുടെ തരംമാറ്റം/പരിവർത്തനം, റേഷൻ കാർഡ് ബി.പി.എൽ ആക്കുന്നതിനുള്ള അപേക്ഷ, ലൈഫ്, പ്രളയം സംബന്ധമായ പരാതി എന്നിവയൊഴികെയുള്ള എല്ലാ അപേക്ഷകളും പരാതികളും ഓഗസ്റ്റ് 18 വരെ അമ്പലപ്പുഴ താലൂക്കിലെ അക്ഷയ സെന്ററുകള്‍ വഴി സമർപ്പിക്കാം. അക്ഷയ സെന്റർ വഴി ലഭിക്കുന്ന അപേക്ഷകൾ മാത്രമേ അദാലത്തിൽ പരിഗണിക്കുകയുള്ളു.