സാഹിത്യ ശില്‍പശാലയിലേക്ക് അപേക്ഷ ക്ഷണിച്ചു

    സാഹിത്യതല്‍പരരായ പട്ടിക വിഭാഗക്കാര്‍ക്ക്  സാഹിത്യാഭിരുചി വര്‍ദ്ധിപ്പിക്കുന്നതിനും സര്‍ഗ്ഗവാസന പരിപോഷിപ്പിക്കുന്നതിനുമായി പട്ടികജാതി വികസന വകുപ്പ് സാഹിത്യശില്പശാല സംഘടിപ്പിക്കും.  18 വയസ്സിന് മുകളില്‍ പ്രായമുള്ള സാഹിത്യാഭിരുചിയുള്ള പട്ടികജാതി പട്ടികവര്‍ഗ്ഗ വിഭാഗത്തില്‍പ്പെട്ടവരെയും മറ്റു വിഭാഗത്തില്‍പെട്ട അഞ്ചുപേരെയും ഈ ശില്പശാലയില്‍ പങ്കെടുപ്പിക്കും.
    നിശ്ചിത മാതൃകയിലുള്ള അപേക്ഷ, ജാതി തെളിയിക്കുന്ന സര്‍ട്ടിഫിക്കറ്റ്, ബയോഡേറ്റ, എസ്.എസ്.എല്‍.സി സര്‍ട്ടിഫിക്കറ്റിന്റെ പകര്‍പ്പ്, അപേക്ഷകന്റെ പ്രസിദ്ധീകരിച്ച/പ്രസിദ്ധീകരണയോഗ്യമായ ഒരു സാഹിത്യ സൃഷ്ടി എന്നിവ സഹിതം ചീഫ് പബ്ലിസിറ്റി ഓഫീസര്‍, പട്ടികജാതി വികസന വകുപ്പ്, കനകനഗര്‍, വെള്ളയമ്പലം, തിരുവനന്തപുരം എന്ന വിലാസത്തില്‍ മേയ് 25 ന് വൈകുന്നേരം അഞ്ചിന് മുമ്പ് അയച്ചു തരണം.  അപേക്ഷാ ഫോറം പട്ടികജാതി വികസന വകുപ്പിന്റെ www.scdd.kerala.gov.in എന്ന വെബ്‌സൈറ്റിലും ചീഫ് പബ്ലിസിറ്റി ഓഫീസിലും ലഭിക്കും,  വിശദ വിവരങ്ങള്‍ക്ക് ഫോണ്‍ : 0471 - 2737218, ഇ-മെയില്‍ cposedd@gmail.com.
പി.എന്‍.എക്‌സ്.1361/18