കേരള ലളിതകലാ അക്കാദമിയുടെ കലാവിദ്യാര്‍ത്ഥികള്‍ക്കുള്ള സ്‌കോളര്‍ഷിപ്പ് പ്രഖ്യാപിച്ചു
കൊച്ചി: കേരള ലളിതകലാ അക്കാദമിയുടെ 2017-2018 വര്‍ഷത്തേക്കുള്ള കലാവിദ്യാര്‍ത്ഥികള്‍ക്കുള്ള സ്‌കോളര്‍ഷിപ്പുകള്‍ പ്രഖ്യാപിച്ചു. എം.എഫ്.എ/എം.വി.എ. വിദ്യാര്‍ത്ഥികളായ വിഷ്ണു പ്രിയന്‍ കെ. (ശ്രീശങ്കരാചാര്യ സംസ്‌കൃത യൂണിവേഴ്‌സിറ്റി, കാലടി), വിശ്വജിത് കെ.ആര്‍., വിനില്‍ കെ.പി. (രാജാരവിവര്‍മ്മ സെന്റര്‍ ഓഫ് എക്‌സലന്‍സ് ഫോര്‍ വിഷ്വല്‍ ആര്‍ട്‌സ് മാവേലിക്കര) എന്നിവര്‍ക്കും. ബി.എഫ്.എ/ബി.വി.എ. വിദ്യാര്‍ത്ഥികളായ ആകാശ് (ഗവ. കോളേജ് ഓഫ് ഫൈന്‍ ആര്‍ട്‌സ് തൃശ്ശൂര്‍), അവൈന്‍ ആന്റണി, സുഹൈമ സി.കെ. (ആര്‍.എല്‍.വി. കോളേജ് ഓഫ് മ്യൂസിക്, തൃപ്പൂണിത്തുറ), ലക്ഷ്മി എസ്.എസ്. (ശ്രീശങ്കരാചാര്യ സംസ്‌കൃത യൂണിവേഴ്‌സിറ്റി, കാലടി), അമ്മു എസ്. (രാജാ രവി വര്‍മ്മ കോളേജ് ഓഫ് ഫൈന്‍ ആര്‍ട്‌സ,് മാവേലിക്കര) എന്നിവര്‍ക്കും സ്‌കോളര്‍ഷിപ്പ് ലഭിച്ചു. എം.എഫ്.എ/ എം.വി.എ. വിദ്യാര്‍ത്ഥികള്‍ക്ക് 12,000/-രൂപ വീതവും ബി.എഫ്.എ./ബി.വി.എ വിദ്യാര്‍ത്ഥികള്‍ക്ക് 10,000/-രൂപ വീതവുമാണ് സ്‌കോളര്‍ഷിപ്പ് തുക. കലാപഠനത്തില്‍ മികവുകാട്ടുന്ന വിദ്യാര്‍ത്ഥികള്‍ക്ക് പ്രോത്സാഹനം നല്‍കുക എന്ന ലക്ഷ്യത്തോടെയാണ് സ്‌കോളര്‍ഷിപ്പ് ഏര്‍പ്പെടുത്തിയിട്ടുള്ളതെന്ന് സെക്രട്ടറി അറിയിച്ചു.
- Log in to post comments