എറണാകുളം അറിയിപ്പുകള്‍

അപ്രന്റീസ് ക്ലര്‍ക്ക്-കം-ടൈപ്പിസ്റ്റ് തസ്തിക: പരിശീലനം നല്കും

കൊച്ചി: ജില്ലയിലെ അഭ്യസ്തവിദ്യരും, തൊഴില്‍ രഹിതരുമായ പട്ടികജാതി വിഭാഗത്തില്‍പെട്ട യുവതീയുവാക്കള്‍ക്ക് പട്ടികജാതി വികസന വകുപ്പിന്റെ കീഴിലുളള ജില്ല പട്ടികജാതി വികസന ഓഫീസ്, വിവിധ ബ്ലോക്ക് പട്ടികജാതി വികസന ഓഫീസുകള്‍, ഗവ:ഐ.ടിഐ എന്നിവിടങ്ങളില്‍ നിലവിലുളളതും പ്രതീക്ഷിക്കുന്നതുമായ ഒഴിവുകളിലേക്ക് അപ്രന്റീസ് ക്ലര്‍ക്ക്-കം-ടൈപ്പിസ്റ്റ് തസ്തികയില്‍ പരിശീലനം നല്‍കുന്നതിന് ജില്ലാ പട്ടികജാതി വികസന ഓഫീസര്‍ അപേക്ഷ ക്ഷണിച്ചു. ബിരുദധാരികളും, മലയാളത്തില്‍ കമ്പ്യൂട്ടര്‍ ടൈപ്പിംഗ് പരിജ്ഞാനമുളളവരും, ഡി.സി.എ/കോപ്പ (COPA) പാസായിട്ടുളള 20 നും 35 നും ഇടയ്ക്ക് പ്രായമുളളവരുമായ ജില്ലയിലെ പട്ടികജാതി വിഭാഗക്കാരായിരിക്കണം അപേക്ഷകര്‍. ഒരു വര്‍ഷമാണ് പരിശീലന കാലയളവ് പരിശീലനാര്‍ഥികള്‍ക്ക് പ്രതിമാസം 10,000 രൂപ സ്റ്റൈപ്പന്റായി നല്‍കും. 

അപേക്ഷകന്റെ പൂര്‍ണ്ണ വിവരങ്ങള്‍ ഉള്‍ക്കൊളളിച്ച്, വെളളക്കടലാസില്‍ തയാറാക്കിയ അപേക്ഷ, ജാതി, വിദ്യാഭ്യാസ യോഗ്യത, ജനനതീയതി, പ്രവൃത്തി പരിചയം എന്നിവ തെളിയിക്കുന്ന സാക്ഷ്യപ്പെടുത്തിയ പകര്‍പ്പുകള്‍ സഹിതം ഏപ്രില്‍ 26-ന് വൈകിട്ട് അഞ്ചിനു മുമ്പായി ജില്ലാ പട്ടികജാതി വികസന ഓഫീസര്‍ക്കു സമര്‍പ്പിക്കണം. കൂടുതല്‍ വിവരങ്ങള്‍ക്ക് ഫോണ്‍ 0484-2422256.

വനിതാ കമ്മീഷന്‍ സിറ്റീംഗ്

കൊച്ചി: സംസ്ഥാന വനിതാ കമ്മീഷന്‍ ചിറ്റൂര്‍ റോഡിലുളള (ഷേണായീസിനു സമീപം)വൈ.എം.സി.എ ഹാളില്‍ മെയ് എട്ട്, ഒമ്പത് തീയതികളില്‍ രാവിലെ 10.30 മുതല്‍ മെഗാ അദാലത്ത് നടത്തും.

അസാപ് പ്രോഗ്രാം എക്‌സിക്യൂട്ടീവ് / 

എംബിഎ ഇന്റേണ്‍സിനെ തിരഞ്ഞെടുക്കുന്നു

 കൊച്ചി: ഉന്നത  വിദ്യാഭാസ വകുപ്പിന്റെ അസാപ് (അഡിഷണല്‍ സ്‌കില്‍ അക്ക്വിസിഷന്‍ പ്രോഗ്രാം) പ്രോജക്റ്റിലേക്കു പ്രോഗ്രാം എക്‌സിക്യൂട്ടീവ് / എംബിഎ ഇന്റേണ്‍ തസ്തികയിലേക്ക് തിരഞ്ഞെടുക്കുന്നു. എറണാകുളം ജില്ലയിലെ വിവിധ അസാപ് ഓഫീസുകളില്‍  ആയിരിക്കും നിയമനം. ഒരു വര്‍ഷത്തെ ഇന്റേണ്‍ഷിപ്പ് പ്രോഗ്രാമിലേക്കു, 60 ശതമാനം മാര്‍ക്കോടുകൂടി, കഴിഞ്ഞ മൂന്ന് വര്‍ഷത്തിനുള്ളില്‍ എംബിഎ പഠിച്ചിറങ്ങിയ ഉദ്യോഗാര്‍ത്ഥികള്‍ക്ക് അപേക്ഷിക്കാം. താല്പര്യം ഉള്ള ഉദ്യോഗാര്‍ത്ഥികള്‍ 2018 ഏപ്രില്‍ 21 -ന്  രാവിലെ 10-ന് ഇടപ്പള്ളി ഗവണ്മെന്റ് ഹയര്‍സെക്കണ്ടറി സ്‌കൂളില്‍ പ്രവര്‍ത്തിക്കുന്ന അസാപ് ഓഫീസില്‍ മാര്‍ക് ലിസ്റ്റിന്റെ അസല്‍ രേഖകളും, രേഖകളുടെ പകര്‍പ്പും, ബയോഡേറ്റയും സഹിതം അഭിമുഖത്തിനു എത്തിച്ചേരണം. ഇന്റേണ്‍ഷിപ്പ് പ്രതിമാസ സ്‌റ്റൈപ്പന്റ് 10000 രൂപയും ട്രാവല്‍ അലവന്‍സും ലഭിക്കും. കൂടുതല്‍ വിവരങ്ങള്‍ക്ക് ഫോണ്‍ 8547247973, 9495999650.